Rom Yaab 8:14 - UWONBƆR A GBƆNPƆŊ LIKƆƆNL

¹⁴ nan bu-n, ban wee Uwonbɔr a Naaŋin lii bi samin, bi ye Uwonbɔr a naachim le.

Uwumbɔr aagbaŋ

¹⁴ Binib bimɔk dii Uwumbɔr Aafuur Nyaan aah ban pu na, bima le ye Uwumbɔr aabim.

Rom Yaab 8:14 ပူးပေါင်းရင်းမြစ်များ

Matiu 5:9

Tikaar be ban ban nposɔɔn bu, nan bu-n bi ma le bi na li yin bi Uwonbɔr a buwaab.

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Rom Yaab 8:5

Ban nɔɔ tigbanann a bamin a potiɛl be tigbanann nmɔn kaah ban man nin yaan le; amaa ban nɔɔ Kasi a Naaŋ a bamin mu a potiɛl be Kinaaŋin a bamin yaan le.

Rom Yaab 8:9

Nim, ma ke, tigbanann a bamin kaa ji ŋmag ni amaa Kinaaŋin le ni ŋmag ni, ni ye Uwonbɔr a Naaŋ be ni ni ke. Wan mu kaa jɔɔ Masiya a Naaŋin ke, waa ye Masiya yaa wi.

Rom Yaab 9:26

Le, “Ni li ŋa ke kitiŋ kan a ninfob wee N nan ke, ‘Naa ye N ninfobin,’ bi li yin bi ke, Uwonbɔr wan fo-n a buwaab,’

Rom Yaab 9:8

Ni ma wɔɔn ke Abiraham a yaabili yan wee bi ma bi tininforin ni-n kaa ye Uwonbɔr a buwaabi, amaa nbuwaab ban wee Uwonbɔr nan poo tipoor ke Abiraham li maa-n bi ma ye u maalim.

2 Korenti 6:18

“Wee N li ye ni Baa, le ni mu li ye N naachim nin N bisiɛm, Uyudaan wan jɔɔ npɔɔn le len man.”

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 4:5

ke un ŋa nkpenim a manug ki nyan ban be nsiim nmɔn yaan nin, wee ti kpann Uwonbɔr a bibamɔm.

Galantiya 4:6

Naah ye Uwonbɔr a buwaabin bu le Uwonbɔr tun U big nmɔn a Naaŋ le ki dan ki nan be ti sufu ni, le kinaaŋ nmɔn yi ke, “Ti dindaau, ti baa.”

Galantiya 5:16

N bei ni le, ni li nɔɔ Kinaaŋ a binbema, wee tigbanann a bir a kɔlisa a toon laa be nin ni.

Galantiya 5:18

Amaa ni ye kinaaŋin lii ni sam ke, nsiim kaa ŋmag ni.

Efesusi 1:5

U pii nan lol ke U li ta ti ki kpann U buwaab Yisa Masiya bu, U nan lol man le U nungbeelin nin U bam,

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 3:24

Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.