Rom Yaab 8:11 - UWONBƆR A GBƆNPƆŊ LIKƆƆNL

¹¹ Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

Uwumbɔr aagbaŋ

¹¹ Uwumbɔr nan fikr Yesu nkun ni. Uwumbɔr u fikr Yesu nkun ni na Aafuur Nyaan yaa bi ni ni kan, uma Uwumbɔr u fikr Yesu Kristo nkun ni na ga fikr nimi aawon ti ga kpo na mu. Waafuur Nyaan mu bi ni ni na aapɔɔn pu, le u ga fikr nimi nkun ni.

Rom Yaab 8:11 ပူးပေါင်းရင်းမြစ်များ

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Rom Yaab 16:10

Poor Apelesi, wan a binbem wee bi mag lig ki miin u si bogiliba Masiya ni-n. Poor Aritobulusi a niin yaab biɛn na.

Rom Yaab 16:3

Poor Pirisila nin Akula, ban ye n toon tun tab Yisa ni-n.

Rom Yaab 16:7

Poor Anduroniku nin Juniɛsi ban ye n bol yaab ki ji ye n loondiig kɔɔn tabin. Bi jɔɔ liyinl Masiya a tooi yin ban, bi nan chinn ŋa Masiya yada nin ma.

Rom Yaab 16:9

Poor Uribanusi, wan ye ti toon tun kpiɛg Masiya ni-n, nin n jɔ kpaarimɔɔn Sitachisi.

Rom Yaab 6:12

Mambu ni laa ji che tibir ŋmag ni gbanann tan kpeg nan ni, ki laa chee sei tibir a gbanann nmɔn a bami.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:12

Mambu, n nabum, ti jɔɔ naah ye ti tun man le amaa naa ye tigbanann a bami, ki li be Uwonbɔr a Naaŋin kaah wɔɔn ti man.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

Rom Yaab 8:9

Nim, ma ke, tigbanann a bamin kaa ji ŋmag ni amaa Kinaaŋin le ni ŋmag ni, ni ye Uwonbɔr a Naaŋ be ni ni ke. Wan mu kaa jɔɔ Masiya a Naaŋin ke, waa ye Masiya yaa wi.

1 Korenti 15:16

Ni ye nkum a fiim kaa be ke, man ke Masiya tɔɔl kaa nan fiin nkumin ni.

1 Korenti 6:14

Uwonbɔr a pɔɔm bu le fiin Uyudaan nkumin, U na li fiin ti mu nkumin.

2 Korenti 4:11

Tim ban fo nan, ti be nkum a nɔɔn le Yisa bu, naah li ŋa man wee u miɛfol n kpiir ti gbanann nin.

2 Korenti 4:14

nan bu-n ti nyi wan nan fiin Yisa nkumin, u ma na yin fiin tim ke waah nan fiin Yisa man ni, ki ta tim nin nim ki jo u baan tɔɔl ban.

2 Korenti 5:4

Amaa taah be tigbanann tan nann kunanboŋin nin, ti dun le ki fabin. Naa ye ke taa ji ban tigbanann nin a binbem le, amaa ti ban Uwonbɔr a niin le, wee lidaal nan foo ke limiɛfol n nan niɛ tigbanann tan kpegin wee nin diɛ.

Galantiya 6:8

Wan bun u tɔɔl a gbanann a bam a wan booli ke, u na yin chiɛ nkum le; wan mu bun iwanbool yan gbee kinaaŋin a num ke, u na yin chiɛ limiɛfol lan kaa jɔɔ ndiɛmin le kinaaŋ ban.

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Filipi 3:21

Uma wan ta u pɔɔm ki lagin niwann biɛn u nintogilin, u li kpenn ti gbanann tan kaa pɔɔ-n ki ŋa ti u jilima a gbanann.

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.

Tibɔkpiirkaan 11:11

Iweehn itaa nin ligenl nmɔn kaah nan jon a bɔɔn, le kufoorug kan ye limiɛfolin nyan Uwonbɔr ban ki nan kɔɔ bi, le bi fii sir paab, le bijawaam choo ban kan bin takpem.