Rom Yaab 7:9 - UWONBƆR A GBƆNPƆŊ LIKƆƆNL

⁹ Maah kaa la nan nyi nsiimin n-yonn man nin; n nan jɔɔ limiɛfol, amaa nsiim kaah nan nan foo nin, le tibir fii ki kan npɔɔn n gbanann nin le n kpo.

Uwumbɔr aagbaŋ

⁹ N‑yoonn mubaa m nan bi, kaa nyi nkaal aatataa mbamɔm. Buyoonn m bee nkaal aatataa mbamɔm na, le titunwanbir fikr nsui ni. Le m bee ke m ŋeer nkun.

Rom Yaab 7:9 ပူးပေါင်းရင်းမြစ်များ

Matiu 19:20

Le unaachipɔɔn nin bei u ke, “N pii nɔɔ nsiim nan biɛn le. Ni la ba ji guraa”?

Tibɔnyaan ti Luk ŋmee ti na 15:29

Amaa le u jiin bei u baa ke, ‘Lig! Min le bɔɔ koŋ ibin nan biɛn le kaa la nyi yii a mɔbi. Amaa ŋaa la nyi ki ta kiŋɔɔbig ki seim ke n ku ki yin njɔtiib wee ti ji kunaachuŋi.

Tibɔnyaan ti Luk ŋmee ti na 18:21

Le uja nmɔn jiin ki bei u ke, “N pii ŋmag ni niɛ nan biɛn le nbuwaan nin na.”

Rom Yaab 10:5

Moziz nan sɔb ki wɔɔn nbuchin binben man be nsiimin yaan kaah wɔɔn man ke: “Uninfo wan ŋmag nsiim nan kaah wɔɔn man nin ke, u li be nin nsiimin.”

Rom Yaab 7:10

Le n kan ke nsiim man bi ye min sei limiɛfolin, nin ta nkum le dan.

Rom Yaab 7:11

Tibir kan npɔɔn nsiimin yaan le ki larim, le nsiim nan bu, le tibir kum.

Rom Yaab 7:4

Ni bu, n nabum, ni tɔɔl kpo ki sei nsiimin na, Masiya a gbanann nin bu, ke ni fir ŋa Masiya wan nan fii nkumin nin kaah ye ban, na li ŋa man wee ti lo iloon ŋan ki sei Uwonbɔr.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

Rom Yaab 7:8

Amaa le tibir kan npɔɔn nsiimin yaan, ki che linunchɔril a booli pɔr n sufu ni. Ni bu nsiimin kaa bi be ke, tibir ma bi kpou.

Rom Yaab 8:7

wan ta u potiɛl ki ŋa tigbanann a bamin ke, u ye Uwonbɔr a dataag le, nan bu-n waa nɔɔ Uwonbɔr a siimin ni, hali kaa sin li fir nɔɔ mi.

Galantiya 2:19

Uwonbɔr a siimin bu le n kpo sei nsiim nmɔn, ke n fir ki be Uwonbɔr kaah ban man.

Galantiya 3:10

Bininfob ban biɛn nɔɔ nsiim ke bin kan nŋmarimin, limɔpool be bi bu, nan bu-n ni sɔb Uwonbɔr a gbɔŋin ke, “Wan biɛn kaa nɔɔ nsiim man biɛn sɔb dɔ nsiim a gbɔŋin ke, limɔpool be u bu.”