Rom Yaab 7:5 - UWONBƆR A GBƆNPƆŊ LIKƆƆNL

⁵ Tigbanann a bam kaah la nan ŋmag ti n-yonn man nin, le nsiimin nan che kɔlisa birug fii ti gbanann nin, ki che ti lo iloon ki sei nkum.

Uwumbɔr aagbaŋ

⁵ Taah kaa nan dii Uwumbɔr buyoonn na, tisui nan gee Uwumbɔr aakaal aah kɔ pu na, ki cha ti tun titunwanbir ki dii nkun aasan.

Rom Yaab 7:5 ပူးပေါင်းရင်းမြစ်များ

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Jɔnn 3:6

Tigbanann le maa tigbanann, amaa le Kasi a naaŋ mu maa kinaaŋ.

Rom Yaab 1:26

Ni niɛ nan bu, Uwonbɔr nyan U num ki jiɛn bi per bi fai a kɔlisa nmɔn. Hali gbaa bi yaa piib kpenn le ki dɔɔ nin bi piitab ki jiɛn bijab.

Rom Yaab 3:20

Ni ma bu uba kaa li fir len ke waah ŋmag Uwonbɔr a siimin bu u ye ubuchin Uwonbɔr ban ni; amaa nsiimin le che ti biɛ tibir kaah ye nan.

Rom Yaab 4:15

nan bu-n nsiimin a biim le jɔɔ Uwonbɔr a ŋuufiiŋ chaan. Nan yaan wee nsiim kaa be-n uba mu kaa jɔɔ igalin ni.

Rom Yaab 5:20

Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

Rom Yaab 6:21

Ba a nyɔɔr wee ni kan n-yonn nmɔn nin naah ni nan san nan ifa daandaan nan naa? Ni ma biɛn nan a joorim nan ye nkum le!

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

Rom Yaab 7:23

amaa n kan nsiim miba mu kaah be n gbanann nin, ki kɔnn nsiim man be n potiɛmin ni, ki ŋaam tibir tan be n gbanann ni a bɔgi a loondikɔɔru.

1 Korenti 15:56

Nkum a jum ye tibir le, le tibir mu a pɔɔm nya nsiimin le.

2 Korenti 10:3

Ni ye ibamɔn le ke ti be dulinya-n le, amaa taa kɔn dulinya nan a kɔnli.

Galantiya 3:10

Bininfob ban biɛn nɔɔ nsiim ke bin kan nŋmarimin, limɔpool be bi bu, nan bu-n ni sɔb Uwonbɔr a gbɔŋin ke, “Wan biɛn kaa nɔɔ nsiim man biɛn sɔb dɔ nsiim a gbɔŋin ke, limɔpool be u bu.”

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Efesusi 2:11

Mambu ni li tiɛr ke n-yonn man nan jon wee nim ban kaa nan ye Juu yaab wee Juu yaab nan yi ni “tipunjorin”, wee ki sin yi biba “ban jii-n”, (nan ye tigbanann wee bininfob ta bi nɔɔi ki ŋa-n),

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Jemisi 1:15

Tɔ, ni bɔɔn bu a bam nmɔn choo lipool ke, mi yin ma tibir le, le tibir nmɔn nan yabig ke, mi mu nmaa nkum.

Jemisi 4:1

Ba che ikɔn nin imɔkpel be ni sisiigin naa? Naa ye ni nyan ni gbanann a bam man be nin ni ki kɔn nin ni n lee?

1 Jɔnn 3:4

Wan tun tibir ke u bii nsiima; ibamɔn bu, tibir kaa ŋmag nsiimi.