Rom Yaab 7:4 - UWONBƆR A GBƆNPƆŊ LIKƆƆNL

⁴ Ni bu, n nabum, ni tɔɔl kpo ki sei nsiimin na, Masiya a gbanann nin bu, ke ni fir ŋa Masiya wan nan fii nkumin nin kaah ye ban, na li ŋa man wee ti lo iloon ŋan ki sei Uwonbɔr.

Uwumbɔr aagbaŋ

⁴ Nnaabitiib, nimi aabɔr mu bi kina la. Kristo aah nan kpo ndɔpuinkoo pu na, ni mu nan kpo; nkaal aa ki dii nimi. Ni kpaan Kristo u fikr nkun ni na chee la, le ki dii Uwumbɔr aasan.

Rom Yaab 7:4 ပူးပေါင်းရင်းမြစ်များ

Matiu 26:26

Baah nan be bin ji tijiir n-yonn man ni le Yisa yuur boroboro ki sei Uwonbɔr kunɔɔpoog, le ki war war ki sei u bɔɔnɔɔbin, ki ke, “Ni gaa ki ji n gbanann le yen.”

Tibɔnyaan ti Mak ŋmee ti na 4:20

Amaa bininfob biba mu be le ke iwanbool yan nan lu ntanŋam a bol nan le. Bi gbir tibɔrin ke bi gaan ti le, le ti naan, pita pita, piloob piloob, nin kokobig.”

Jɔnn 15:8

Ni nan li ye n Baa a pag, ke ni lo iloon takpem, ki wɔɔn ni ba ke ni ye n bɔɔnɔɔb le.

Jɔnn 3:29

Lipiichanil daan li ye upii wan wee bi chann ni. Lipiichanil daan a jɔ wan dan u ban nin si guu u le ki sin pelig, le ki nan gbir Lipiichanil daan a kukɔl ke u pool nsɔŋ. Nposɔɔn nmɔn ye n yaan le, mambu n gbee nin nposɔɔn na.

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Rom Yaab 6:11

Man nmɔn jigin, ni kan ni ba ki kpiɛ ban kpo ki sei tibirin na, amaa Masiya ni, ni jɔɔ limiɛfol ki sei Uwonbɔr.

Rom Yaab 6:14

Tibir kaa ji yin ye a yudaau wi, nan bu-n, nsiim kaa ŋmag ŋi, amaa Uwonbɔr a nyunyunbasanlin bu le a be.

Rom Yaab 6:2

Naa li fir ye man ni! Tibir bu ke, ti kpou; ke ni yin ŋa nii wee ti gbaa be tibir nmɔn yaan naa?

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

Rom Yaab 7:3

Ni bu, ni ye u kun uja uba wee u chal la be ke, bi yi u kuwanchɔgiŋ le. Amaa ni ye u chal kpo ke, nsiim nmɔn kaa ji ŋmag wi, le u mu kaa ye kuwanchɔgiŋi, hali nin waah le ji kpenn kun uja uba nmɔn biɛn ni.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 10:16

Naa ye kiyiinyɔɔg kan wee ti tenn Uwonbɔr kunɔɔpoog wee ki nyu ki poolin ni ye Masiya a cham lee? Boroboro kan wee ti war war ki ŋman ni, kaa ye Masiya a gbanann lee?

2 Korenti 11:2

N jɔɔ lipiiponl nim bu, lipiiponl lan nyan Uwonbɔr ban. N ta ni ki sei chal uba le kpeŋileŋ, u ma ye Masiya, naah li ŋa man wee n ta ni ki sei u wee ni li ye kasi a piikalin.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Galantiya 5:18

Amaa ni ye kinaaŋin lii ni sam ke, nsiim kaa ŋmag ni.

Efesusi 2:15

u tɔɔl a gbanann le u nan ta junn Juu yaab a siim nin bi kɔɔi biɛn. Ke un che nposɔɔn ndan ibol ilee nmɔn a sisiigin, wee bin lagin ki li ye libol liba,

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:17

Naa ye n ban ipiin le, amaa n ban ni kan tinyɔɔr tan yin kpiɛ naah jɔɔ nan nin le.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 1:22

Amaa daandaan nan, Masiya a gbanann a kum nbu le Uwonbɔr jir ki mɔŋ nin ni, ke Un ta ni sei wee ni li be kasi u numin, ki laa jɔɔ tijaginn wee bin galin ni,

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

Kolosiya 2:14

Uwonbɔr nan pir nsiim nin mi sɔbim man kaa nan chee sei ti-n, wee ki kɔn nin ti nle ki choo mi nyan le ki kpaa mi lidapunpunl bu.

Kolosiya 2:20

Ni nan lagin ki kpo nin Yisa ki sei kutingbɔŋ a maabiyiɛrugaa, ba ŋaa wee ni la be ke ni ye kutingbɔŋ nan a ninfob lee, ni chee sei kutingbɔŋ nmɔn a siim man ke:

Hiibru Yaab 10:10

Uwonbɔr a bam nmɔn bu le U ŋa ti kasidam Yisa Masiya kaah nan ta u gbanann ki mann kumanug nba bu ki sei ti-n bu.

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

Tibɔkpiirkaan 19:7

Ni che ni li mɔ ta wee ti pooi li peen na wee ti sei U kupag! Nan bu-n Kipeebigin a piichanil a yoo foou, le u bɔɔnh ŋa u ba siliu.

Tibɔkpiirkaan 21:9

Le malakam bilile ban ŋmag tiyir tilile wee ti gbee nin imag ilile-n yan joorin a ni uba beim ke, “Dan wee n wɔɔniŋ ujakunn nin, wan ye kipeebig nmɔn a bɔɔnh.”