Rom Yaab 7:18 - UWONBƆR A GBƆNPƆŊ LIKƆƆNL

¹⁸ N nyi ke niwaŋann niba kaa be n sufu-n ni, ti ma ye n binben biimin yaan. Nan bu-n, n bi ban n tun nan ŋan, amaa maa yin fir tun ni.

Uwumbɔr aagbaŋ

¹⁸ M bee ke tiwan ni ŋan na aa bi maabimbikpok ni; m ban ke m tun lituln li ŋan na, kaa ŋmaa tun.

Rom Yaab 7:18 ပူးပေါင်းရင်းမြစ်များ

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Tibɔnyaan ti Luk ŋmee ti na 11:13

Ke ni ye nim tibirdam nyi naah li sei ni buwaab liwanŋanl man ke, ni Baa Uwonbɔr wan be papaab nan man kaa ni li ta Kasi a Naaŋ nan ki sei bininfob ban miɛ win naa?”

Jɔnn 3:6

Tigbanann le maa tigbanann, amaa le Kasi a naaŋ mu maa kinaaŋ.

Rom Yaab 13:14

Amaa ni ta Uyudaan Yisa Masiya ki yee ke kuwan yee waŋin, ki laa ban nsan man wee ni li nɔɔ ki tun tigbanann a kɔlisa birugin a bami.

Rom Yaab 7:15

Maa biɛ nan n tun nmɔn a taai yi. Nan bu-n, nan wee n bi ban n tun nin maa tun ni ma, amaa niwann nan wee n nan nin, ni ma le n tun.

Rom Yaab 7:19

Nan bu-n, maah tun nan nin kaa ye niwaŋann nan wee n bi ban n tun nin; aai, nan kaa ŋan wee maa bi ban n tun nin, ni ma le n le gbaa tun.

Rom Yaab 7:25

N tenn Uwonbɔr kunɔɔpoog, ti Yudaau Yisa Masiya bu! Ni ma bu, min tɔɔl a potiɛmin n ye Uwonbɔr a siimin a yomu le, amaa le n binben biimin mu ye tibir a siimin a yomu.

Rom Yaab 7:5

Tigbanann a bam kaah la nan ŋmag ti n-yonn man nin, le nsiimin nan che kɔlisa birug fii ti gbanann nin, ki che ti lo iloon ki sei nkum.

Galantiya 5:17

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Filipi 2:13

Uwonbɔr le tun nin ni le ki che ni tun ni U bamin ke waah ban ni tun man.

Filipi 3:12

Naa wɔɔn ke min nyaŋ ni niɛ biɛn le, bee min yaa binbem ŋan ki tan diɛ, amaa n pɔɔn nba le ki gbaar n choo nan bu wee Masiya nan choo min.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.