Rom Yaab 6:4 - UWONBƆR A GBƆNPƆŊ LIKƆƆNL

⁴ Mambu ti nan kpo nin Yisa le bi pii ti nin u ma, Uwonbɔr a nyunfulin bu, a li ke Masiya kaah nan fii nkumin nin u Baa a pagin, man le ti mu yin be limiɛfol pɔnlin yaan.

Uwumbɔr aagbaŋ

⁴ Baah muin timi nnyun ni na, nima le mɔk ke ti kpo, le bi sub timi u chee. Uwumbɔr aapɔɔn pu le u fikr Kristo nkun ni. Waapɔɔn mu pu le ti kpa mbimbipɔm ki ŋani ni ŋan na.

Rom Yaab 6:4 ပူးပေါင်းရင်းမြစ်များ

Jɔnn 11:40

Le Yisa ke, “Maa beiŋ ke ni ye ke a ŋa yada ke, a li kan Uwonbɔr a pagaa?”

Jɔnn 2:11

Ni ma nan ye u chinchinn a garil a siɛra, lan wee Yisa nan ŋa Kena a tiŋ kan be Galilii a poolin. U nin nan kpiir ki wɔɔn u pag a toon kaah ye man, le u bɔɔnɔɔbin nan ŋa u yada.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Lituln 2:32

“Yisa nmɔn le Uwonbɔr nan fiin u nkumin, le ti biɛn mu le ye u kum a fiim a siɛradam.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

Rom Yaab 6:3

Bee naa nyi ke tim ban biɛn nan fun Uwonbɔr a nyunful Masiya bu-n nan fun u kum a nyunful mu waa?

Rom Yaab 6:8

Daandaan nan ni ye ti kpo nin Masiya ke, ti jɔɔ yada ke ti na li lagin be nin u.

Rom Yaab 6:9

Nan bu-n ti nyi ke Masiya kaah nan fii nkumin nin, waa ji yin kpo jigin ni; nkum kaa jɔɔ npɔɔn ki li fir nyaŋ wi.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

1 Korenti 6:14

Uwonbɔr a pɔɔm bu le fiin Uyudaan nkumin, U na li fiin ti mu nkumin.

2 Korenti 13:4

Nin ni bamɔn, bi nan kpaa u lidapunpunl bu u daburigi ni, ni biɛn yɔli u jɔɔ limiɛfol Uwonbɔr a pɔɔm bu. Man nmɔn bu le ti mu jɔɔ u daburigi nmɔn, ni biɛn yɔli Uwonbɔr a pɔɔm bu ti mu li jɔɔ limiɛfol nin Yisa ki tun ki tenn ni.

2 Korenti 5:17

Ni bu uninfo wan be Masiya ban ke, udaan nin ye uninfopɔɔn le, u binben kpegim nbiɛn jon na, le nbinben pɔɔn dan!

Efesusi 4:17

Ni niɛ nan le n bei ni, Uyudaan bu le n si maah pag n bɔr tan nan bu, ki ke ni laa ji be ke ban kaa ye Juu yaabin kaah be man nin ni, wee bi potiɛl kaa jɔɔ nyɔɔrin ni.

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

Kolosiya 3:10

ki yee nbinben pɔɔn le, nbinbem nmɔn le Uwonbɔr pɔŋir mi nin nyinyimin le mi nann uma wan naan min.

Kolosiya 4:1

Biyudam, ni li ŋaan ni yomi tiŋann nin nan kpaan na, nan bu-n, ni nyi ke ni tɔɔl jɔɔ Uyudaan wan be paab.

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.

1 Jɔnn 2:6

Wan ke u be nin Uwonbɔr ke, ni kpaa le nin u li be ke Masiya kaah nan be man nin.