Rom Yaab 6:23 - UWONBƆR A GBƆNPƆŊ LIKƆƆNL

²³ Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

Uwumbɔr aagbaŋ

²³ Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

Rom Yaab 6:23 ပူးပေါင်းရင်းမြစ်များ

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Jɔnn 10:28

N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 4:36

Hali nin daandaan nan udichiɛrin gaan u yɔr le, hali daandaan nan u chiɛ idi-n nin limiɛfol lan kaa jɔɔ diɛm bu le, wee nin che wan bu tiburin nin wan chiɛ idi-n nlagin kan nmɔn.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Rom Yaab 1:32

Bi nyi Uwonbɔr a buchin siimin kaah len ke bininfob ban tun man nmɔn kpaan nin nkum le, baa nan tun man a binba amaa le ki sin chee sei bitab ke bi li tun man na.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 5:12

Mambu, tibir kaah nan nɔɔ uninfo uba bu ki kɔɔn dulinya nan yaan nin, wee u bir nmɔn ta nkum ki dan nin, ni ma che nkum dan bininfob biɛn bu, nan bu-n ti biɛn tun tibira.

Rom Yaab 5:17

Ni ye uninfo uba a bir bu, le nkum nɔɔ uninfo uba nmɔn bu ki dan ke, man ke Uwonbɔr a buchin piin yan yab ki san ti kunyunyunbaagin ma jon man na, U ma ye Yisa Masiya wan sei ti limiɛfolin.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

Rom Yaab 6:16

Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

Rom Yaab 6:21

Ba a nyɔɔr wee ni kan n-yonn nmɔn nin naah ni nan san nan ifa daandaan nan naa? Ni ma biɛn nan a joorim nan ye nkum le!

Rom Yaab 8:13

Ni ye ni nɔɔ tigbanann a bamin kaah wɔɔn ni man nin ke, ni li kpo; amaa ni che Uwonbɔr a Naaŋin ku tigbanann a bam a toon yin ke, ni li fo,

Rom Yaab 8:38

N nyi kaa biɛn ni ke naa ye nkum bee limiɛfol, kaa ye malakam bee npɔniimi, kaa ye tiwann yɔɔr tan be daandaan nan bee tiwann yɔɔr tan la yin dan ni, kaa ye ipɔɔn iba,

Rom Yaab 8:39

kaa ye nkpikper bee nnyunyɔɔni, kaa ye tiwann yɔɔr tan be tiwann naan wann nin biɛn ni, ni ba kaa be ki li fir bɔgir ti nyan Uwonbɔr a jiɛm man be ti Yudaau Masiya ni-n yaan ni.

Rom Yaab 8:6

Wan ta u potiɛl ŋa tigbanann a bamin yaan ke ni ye nkum le, amaa lipotiɛl lan mu wee Kasi a Naaŋin ŋmagin ye limiɛfol le nin nposɔɔn;

Galantiya 3:10

Bininfob ban biɛn nɔɔ nsiim ke bin kan nŋmarimin, limɔpool be bi bu, nan bu-n ni sɔb Uwonbɔr a gbɔŋin ke, “Wan biɛn kaa nɔɔ nsiim man biɛn sɔb dɔ nsiim a gbɔŋin ke, limɔpool be u bu.”

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Jemisi 1:15

Tɔ, ni bɔɔn bu a bam nmɔn choo lipool ke, mi yin ma tibir le, le tibir nmɔn nan yabig ke, mi mu nmaa nkum.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”