Rom Yaab 6:22 - UWONBƆR A GBƆNPƆŊ LIKƆƆNL

²² Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

Uwumbɔr aagbaŋ

²² Uwumbɔr nyan nimi titunwanbir aanaagbiir ni la. Dandana wee, ni ye uma Uwumbɔr aanaagbiib la. Nimi aanyoor ye mbimbin mu bi chain na la. Naadoon ga li ye limɔfal li kaa kpa ndoon na.

Rom Yaab 6:22 ပူးပေါင်းရင်းမြစ်များ

Matiu 13:40

“Baah yin lagin tinaniin nin ki nyɔɔ nŋmi man ni, dulinya a diɛ daal na yin be man le.

Matiu 13:43

Iyaayoo nmɔn, le bibuchim na yin be bi Baa a naamin, ki nyagin ke nween kaah nyagin man ni. Wan jɔɔ itul ke ni che un gbir.

Matiu 19:29

Le wan biɛn jiɛn u niin, bee u kpetiib, bee u watiib, bee u baa, bee u na, bee u buwaab, bee u kpaann, n yinl bu ke, u na li kan nibooli kobig, ki kan limiɛfol lan kaa jɔɔ ndiɛmi.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Jɔnn 15:16

Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Jɔnn 15:2

U gaar ibon yan biɛn be nni wee kaa lo iloon nin le ki jaar, le ki mann gbar ibon yan biɛn lo iloon nin wee yin mann lo iloon.

Jɔnn 4:36

Hali nin daandaan nan udichiɛrin gaan u yɔr le, hali daandaan nan u chiɛ idi-n nin limiɛfol lan kaa jɔɔ diɛm bu le, wee nin che wan bu tiburin nin wan chiɛ idi-n nlagin kan nmɔn.

Jɔnn 8:32

Ni li biɛ ibamɔn kaah ye nan, le ibamɔn nmɔn li che ni kan feegab.”

Rom Yaab 6:14

Tibir kaa ji yin ye a yudaau wi, nan bu-n, nsiim kaa ŋmag ŋi, amaa Uwonbɔr a nyunyunbasanlin bu le a be.

Rom Yaab 6:18

Ni ŋmar ki nyan tibirin na le ki nin ŋa nbuchin binben a yomi.

Rom Yaab 6:21

Ba a nyɔɔr wee ni kan n-yonn nmɔn nin naah ni nan san nan ifa daandaan nan naa? Ni ma biɛn nan a joorim nan ye nkum le!

Rom Yaab 7:25

N tenn Uwonbɔr kunɔɔpoog, ti Yudaau Yisa Masiya bu! Ni ma bu, min tɔɔl a potiɛmin n ye Uwonbɔr a siimin a yomu le, amaa le n binben biimin mu ye tibir a siimin a yomu.

Rom Yaab 7:4

Ni bu, n nabum, ni tɔɔl kpo ki sei nsiimin na, Masiya a gbanann nin bu, ke ni fir ŋa Masiya wan nan fii nkumin nin kaah ye ban, na li ŋa man wee ti lo iloon ŋan ki sei Uwonbɔr.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 7:22

Wan nan ye uyom wee Uyudaan yin u ke, waa ji ye uyom Uyudaan ban ni, man mu le wan mu nan ye uba wee Uyudaan yin u ke, u nin ye Masiya a yomu le.

2 Korenti 3:17

Uwonbɔr ye kinaaŋ le, Uwonbɔr a Naaŋ kaah be nan yaan ni, ye nbaa mu be niin le.

Galantiya 1:10

N gbaar ki ban bininfob le n ke n toon ŋan bee Uwonbɔr aa? Bee n ban bininfob a num le n gbee maa? Ni ye n le la bi gbaar ban bininfob a num le n gbeem ke, maa bi yin ye Masiya a yomu wi.

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:17

Naa ye n ban ipiin le, amaa n ban ni kan tinyɔɔr tan yin kpiɛ naah jɔɔ nan nin le.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

1 Piita 1:9

nan bu-n ni gaan ni yada a nyɔɔr le, nin ni naam a feeja.

1 Piita 2:16

Ni li be ke ban ye bi ba-n, amaa ni laa jɔɔ ye nba a binbem nmɔn ki tun tibiri; ki li be ke Uwonbɔr a toontum kaah be man nin.

Tibɔkpiirkaan 7:13

Le bininkpeebin a ni uba baanim ke, “Ban yee tiwanpenn nan ye ŋmam maa, bee bi nyan laa?”