Rom Yaab 6:16 - UWONBƆR A GBƆNPƆŊ LIKƆƆNL

¹⁶ Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

Uwumbɔr aagbaŋ

¹⁶ Aa yaa di aabaa tii unii aan ki kii waamɔb kan, aa ye waanaagbiija la. Naa bee kina aa? Aa yaa kii tii titunwanbir kan, aa ye titunwanbir aanaagbiija la, le ki ga kpo. Aa yaa kii Uwumbɔr aamɔb kan, u ga bui ke saabɔr ŋan.

Rom Yaab 6:16 ပူးပေါင်းရင်းမြစ်များ

Matiu 20:4

Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’

Matiu 6:24

“Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

Jɔnn 8:34

Le Yisa jiin ke, “N bei ni ibamɔn le, wan biɛn ŋa tibir ye tibir a yomu le.

Rom Yaab 11:2

Uwonbɔr kaa yii U ninfobi, ban wee U pii nan nyi-n. Naa nyi ke Uwonbɔr a gbɔŋin ni sɔb ki jiin Elaja paam, waah nan galin Iziral yaab Uwonbɔr ban ki ke:

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 5:6

Naa ŋan nin ni li far ligbingbanli, naa nyi ke boroboro a nyɔgim wama le che boroboro yom fugir ki do nnaa?

1 Korenti 6:2

Naa nyi ke biwonjiɛm le na yin ji dulinya nan yaab tibɔraa? Ke ni ye nim le na yin ji dulinya nan yaab tibɔr ke, ba ŋa naa kpaan nin ni mann nbɔfinfim nan naa?

1 Korenti 6:3

Naa nyi ke ti na li ji Malakam tibɔraa? Ke ŋma nin chaa baan dulinya nan yaab a binbem maa!

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

1 Korenti 9:13

Naa nyi ke ban tun Uwonbɔr a wonjiɛn niin n-yaan, bi jiir nya niin lee, le ban mu mann kumanug Uwonbɔr a binbinl bu-n mu por nan wee bi mann libinbinl bu-n lee?

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

2 Piita 2:19

Bi bei bininfob le ke bi na li kan yemba amaa le bi baantɔɔl ye tibir a yomi, nan bu-n nan nyaŋir uninfo ŋaan u tiyomir le.