Rom Yaab 6:14 - UWONBƆR A GBƆNPƆŊ LIKƆƆNL

¹⁴ Tibir kaa ji yin ye a yudaau wi, nan bu-n, nsiim kaa ŋmag ŋi, amaa Uwonbɔr a nyunyunbasanlin bu le a be.

Uwumbɔr aagbaŋ

¹⁴ Nkaal aa ki joo nimi. Uwumbɔr aanimbaasaln le joo nimi. Nima le titunwanbir aan ki li ye nimi aadindaan.

Rom Yaab 6:14 ပူးပေါင်းရင်းမြစ်များ

Matiu 1:21

U na li maa kibijag, le a yin ki yinl ke Yisa, nan bu-n u na li nyan u ninfob bi toonbirin.”

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 8:36

Mambu ni ye ke Bija-n sei ni feegab ke, ni yin kan feegab le ibamɔn.

Rom Yaab 11:6

Ke ni ye U nyunyunbasanl bu le U gann bi ke, man ke naa ye baah tun nan bu; ni bi ye baah tun nan bu ke, U nyunyunbasanl nmɔn kaa ji bi yin ye linyunyunbasanli.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

Rom Yaab 5:17

Ni ye uninfo uba a bir bu, le nkum nɔɔ uninfo uba nmɔn bu ki dan ke, man ke Uwonbɔr a buchin piin yan yab ki san ti kunyunyunbaagin ma jon man na, U ma ye Yisa Masiya wan sei ti limiɛfolin.

Rom Yaab 5:18

Mambu uninfo uba a bir bu kaah nan che Uwonbɔr bii bininfob biɛn nin, man mu le uninfo uba a buchin binbem bu mu le che Uwonbɔr bei bininfob biɛn ke bi bɔr ŋan le ki sei bi limiɛfol.

Rom Yaab 6:12

Mambu ni laa ji che tibir ŋmag ni gbanann tan kpeg nan ni, ki laa chee sei tibir a gbanann nmɔn a bami.

Rom Yaab 6:15

Ni nin ye nii? Ti li tun tibir ki ke nsiim kaah kaa ji ŋmag ti wee ti be Uwonbɔr a nyunyunbasanlin nin buu? Naa li fir ye man ni!

Rom Yaab 8:12

Mambu, n nabum, ti jɔɔ naah ye ti tun man le amaa naa ye tigbanann a bami, ki li be Uwonbɔr a Naaŋin kaah wɔɔn ti man.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

Galantiya 3:23

Yada nan kaah kaa la nan foon nin, nsiimin nan ŋa ti biloondiikɔɔb le, le ki loon ti ki nan kpaa n-yonn man wee Uwonbɔr nan kpiir yada a ŋaam a bɔr ki wɔɔn ti-n.

Galantiya 4:21

Ni beim ni, nim ban ban nsiim li ŋmag ni nan, naa nyi nsiim nmɔn kaah len man naa?

Galantiya 5:18

Amaa ni ye kinaaŋin lii ni sam ke, nsiim kaa ŋmag ni.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 8:10

N-yonn nmɔn nan jon ke, maah li poo tipoor tan sei Iziral yaab sɔ, Uyudaan le len. N li ta n siim ki ŋa bi potiɛrin le ki sɔb nsiim nmɔn ŋa bi sufu ni. Le n na li ye bi Wonbɔru, le bi mu na li ye n ninfob.