Rom Yaab 6:13 - UWONBƆR A GBƆNPƆŊ LIKƆƆNL

¹³ Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Uwumbɔr aagbaŋ

¹³ Ni taa di nimi aawon tii titunwanbir, ki taa tun lituln li kaa ŋan na. Ni di nibaa tii Uwumbɔr, ke binib bi fikr nkun ni na, ki di nimi aawon tii Uwumbɔr, ke ni tun lituln li ŋan na ki tii u.

Rom Yaab 6:13 ပူးပေါင်းရင်းမြစ်များ

Tibɔnyaan ti Luk ŋmee ti na 15:24

Nan bu-n n big nan nan kpo le ki ji jirin nin limiɛfol; u nan bora le n ji nan kan u.’ Le bi piin kunaachuŋ a jim.

Tibɔnyaan ti Luk ŋmee ti na 15:32

Amaa ni ye ti ji kunaachuŋ le ki li jɔɔ npopeen, nan bu-n a waal nan nan kpo le, amaa le ki ji jirin u miɛfolin, u nan bora, le ti ji nan kan u.’ ”

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 6:11

Man nmɔn jigin, ni kan ni ba ki kpiɛ ban kpo ki sei tibirin na, amaa Masiya ni, ni jɔɔ limiɛfol ki sei Uwonbɔr.

Rom Yaab 6:16

Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

Rom Yaab 7:23

amaa n kan nsiim miba mu kaah be n gbanann nin, ki kɔnn nsiim man be n potiɛmin ni, ki ŋaam tibir tan be n gbanann ni a bɔgi a loondikɔɔru.

Rom Yaab 7:5

Tigbanann a bam kaah la nan ŋmag ti n-yonn man nin, le nsiimin nan che kɔlisa birug fii ti gbanann nin, ki che ti lo iloon ki sei nkum.

1 Korenti 6:15

Naa nyi ke ni gbanann tug nin Masiya a gbanann lee? Ke n ta Masiya a gbanann nmɔn ki lagin nin wan tun iwanjaab toon naa? Naa li firi.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

2 Korenti 10:4

Tikunkɔntiɛr tan wee ti jɔɔ kɔn likɔnl nmɔn ni, kaa ye dulinya nan a kunkɔntiɛri. Amaa ti ye tan jɔɔ Uwonbɔr a pɔɔm man li fir bii Sintani a pɔɔm le.

2 Korenti 5:14

Masiya a bamin le ŋmag ti, taah biɛ ke uninfo uba le kpo ki sei bininfob biɛn ni, ni bu bininfob biɛn kpeg le.

2 Korenti 5:15

Bininfob biɛn bu le u nan kpo, ke ban fo-n la ji be bi ba bu, amaa ki li be ke wan nan gaa bininfob biɛn a kum ki kpo ki ji fiin nkumin ni.

2 Korenti 8:5

Bi nan ŋa ki jon taah bi tiɛr ke bi li fir ŋa man na, amaa bi nan chinn ta biba le ki sei uyudaan; le ki nin ta biba ki sei ti le ti ŋmag Uwonbɔr a bam.

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Kolosiya 2:13

Ni nan ye bitakpiib le ni birin n-yonn iba, le kaa jɔɔ lipunjiil a bir a binbemin, le Uwonbɔr che ni jɔɔ limiɛfol Masiya ni. Le ki jiɛn per ti biɛn nan a bir,

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Tesalonika 2:12

wee ni joorimin Uwonbɔr na li bii ban biɛn kaa ŋa ibamɔn nin yada wee ki sin gann tibirin.

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

Jemisi 4:1

Ba che ikɔn nin imɔkpel be ni sisiigin naa? Naa ye ni nyan ni gbanann a bam man be nin ni ki kɔn nin ni n lee?

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.

1 Jɔnn 1:9

Ni ye ti nyan ti bir ki bei u ke, u ye yada daan le ki tun nan ŋan, u li jiɛn ti bir biɛn ki per ti, ki ŋa ti kasi ki nyan ti ta kaa jɔɔ buchin binben biɛn nin.