Rom Yaab 5:6 - UWONBƆR A GBƆNPƆŊ LIKƆƆNL

⁶ Ni kan na, Uwonbɔr kaah gann isaŋ yan, taah kaa la nan jɔɔ npɔɔn nin bu, le Masiya dan ki nan kpo sei ban kaa jɔɔ nween ni.

Uwumbɔr aagbaŋ

⁶ Naah nan ŋeer na, le Kristo nan kpo timi bi ye titunwanbirdam na pu, taah kaa kpa mpɔɔn buyoonn na.

Rom Yaab 5:6 ပူးပေါင်းရင်းမြစ်များ

Rom Yaab 11:26

Ni ma bu Iziral yaab biɛn li ŋmar, a li ke naa sɔb man Uwonbɔr gbɔŋin nin: “Ufeerin yin nya Zayɔnn le; U li nyan nan kaa ye liwonjiɛnl Jekɔb a maalimin ki gab.

Rom Yaab 4:25

Ti toon bir bu le Uwonbɔr nan ta Masiya sei nkum amaa le U fiin u nkumin ke Un ŋa ti bininfoŋam Uwonbɔr ban.

Rom Yaab 4:5

Amaa, uninfo wan kaa nɔɔ itoon ŋan a tum bu, wee ki gaa Uwonbɔr wan che bipootondam kpann bibuchim jin nin, u yada nmɔn bu le Uwonbɔr ke u bɔr ŋan u buchin binbem bu.

Rom Yaab 5:10

Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Rom Yaab 5:7

Ni li pɔɔ takpem nin uninfo uba n chee ki kpo uninfo buchin bu, amaa niba ke uba li chee ki kpo uninfo ŋan bu.

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

Rom Yaab 8:34

Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Kolosiya 2:13

Ni nan ye bitakpiib le ni birin n-yonn iba, le kaa jɔɔ lipunjiil a bir a binbemin, le Uwonbɔr che ni jɔɔ limiɛfol Masiya ni. Le ki jiɛn per ti biɛn nan a bir,

1 Tesalonika 5:9

Uwonbɔr kaa gann ti ke ti nan ji fala le U ŋuufiiŋin ni, amaa ke ti nan kan nŋmarim ti Yudaau Yisa Masiya bu.

1 Timoti 1:9

Ti ji nyi nsiimin kaah kaa siin sei ban ye bibuchimi, amaa ban ye tukangbirdam, nin ban kaa san Uwonbɔr, nin tibirdam, nin tijagindam nin ban galin Uwonbɔr, nin ban ku bi baam, nin ban ku bi nam nin bininfokub,

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Hiibru Yaab 8:3

Biminmanib a yudaau wan biɛn wee bi gann biɛn ye u li tenn ipiin le ki sin ji li mann kumanug, ni bu che ni kpaa le ke uminmann yudaan nmɔn li jɔɔ nan wee u li ta mann.

Hiibru Yaab 9:26

Ni bi ye man ke Masiya nan bi li ji fala n-yonn takpem naah nyan dulinya a piinimin. Amaa daandaan nan u degirin ti bu nba bu le, iyoo nan a diɛmin ki ta uba ki mann kumanug ki nyan tibir.

1 Piita 1:20

Uwonbɔr nan gann u le ki nin naan dulinya, amaa le ki nan kpiir u wɔɔn idajoorikaa nan yaan nim bu.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”

Juud 1:18

Bi nan bei ni ke, “Iyoo yan na yin joorin, ban yɔɔlin na li be, ki nɔɔ bitɔɔl a wonjiɛnl a kɔlisa birug.”

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.