Rom Yaab 5:2 - UWONBƆR A GBƆNPƆŊ LIKƆƆNL

² wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Uwumbɔr aagbaŋ

² Yesu Kristo pu, le Uwumbɔr len ke timi aabɔr ŋan. Le ti mɔɔni ki kpa limakl ke ti ga yakr u chee Uwumbɔr aamɔɔn.

Rom Yaab 5:2 ပူးပေါင်းရင်းမြစ်များ

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Jɔnn 10:7

Man bu le Yisa ji nan ke, “N bei ni ibamɔn le, min le ye ipee-n a diig a timansanmɔnn.

Jɔnn 10:9

Min le ye ntimansanmɔnn; wan biɛn nɔɔm ki kɔɔ li kan feegab. U li nɔɔm kɔɔ ki nɔɔm nya, ki tan kan timɔɔr sɔɔn.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Lituln 14:27

Baah nan foo Antiɛg nan, le bi bei biwonjiɛm a laguŋin Uwonbɔr kaah ta bi tun man, nin waah loor nsan man ki sei ban kaa ye Juu yaab wee bi ŋa yada man.

Rom Yaab 11:20

Ni ye ibamɔn le. Baah kaa nan ŋa yada-n bu le Uwonbɔr nan gaa bi par gab, amaa le fin si a yada bu. Laa jɔɔ kalanbaani amaa li san Uwonbɔr.

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Rom Yaab 14:4

A ye ŋma wee ki li fir galin uba a toontunnu waa? U tɔɔl a yudaau ban le u sisiim bee u lum yin nya. U li sir, Uyudaan li fir che un sir.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 3:23

nan bu-n, ti biɛn nan ye tibirdam le ki par Uwonbɔr a pag,

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:24

Tama nan bu le ti kan feegab. Amaa tama kan wee ti ga-n kaa ye tama kolibi. Ŋma a tama be niwann nan wee u pii jɔɔ-n buu?

1 Korenti 15:1

N nabum, n ban n tiɛr ni maah nan mɔɔn tibɔŋann tan ki sei ni wee ni gaa ti ki ŋmag nle.

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Efesusi 3:12

Taah ŋa Yisa yada ki be u ni nbu, le ti jɔɔ lipoobil ki li foo Uwonbɔr ban, nin tidindann.

Efesusi 6:13

Mambu ni ta Uwonbɔr a gbaginu-n ki yeeu, wee ni ye lidabiril daal nmɔn nan foon ke, ni fir baan ki sir, wee ni bɔɔn bu ni ye ni fir ŋa niwann biɛn ki yin sir ke.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 6:18

Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

Tibɔkpiirkaan 21:11

Ki nyagin nin Uwonbɔr a pag, ki ŋan ki nyagin ke nliɛm man a daag pɔɔ, ki be ke sataŋin, le ki ji ween ke niɛnu a maarin.

Tibɔkpiirkaan 21:23

Kitiŋ nmɔn kaa ban nween bee uŋmal a wonweem li nyagin ki bu, nan bu-n Uwonbɔr a pagin le tenn ki nwonween, le Kipeebigin ye nin yaan a fila.

Tibɔkpiirkaan 21:3

Le n gbir likukɔl kaah nyan nnaam a gbɔŋin yaan ki len ke, “Daandaan nan Uwonbɔr a binben bol be bininfob ban, le U li be nin bi. Bi li ŋa U ninfob, le Uwonbɔr mu tɔɔl li be nin bi ki ye bi Weem.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.