Rom Yaab 5:10 - UWONBƆR A GBƆNPƆŊ LIKƆƆNL

¹⁰ Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Uwumbɔr aagbaŋ

¹⁰ Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

Rom Yaab 5:10 ပူးပေါင်းရင်းမြစ်များ

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 6:57

Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Rom Yaab 11:28

Ki jiin ban yii tibɔŋann nin paam ke, bi ye Uwonbɔr a dataam le nim bu; amaa ki jiin nganim paam ke, bi ye Uwonbɔr kaah jiɛ ban le bi yaajamin bu,

Rom Yaab 5:11

Naa ye ni yaa binba, amaa ni ye nmɔn le ki sei ti Uwonbɔr ban nin ti Yudaau Yisa Masiya wan che tim nin Uwonbɔr jir ki mɔŋin bu.

Rom Yaab 5:6

Ni kan na, Uwonbɔr kaah gann isaŋ yan, taah kaa la nan jɔɔ npɔɔn nin bu, le Masiya dan ki nan kpo sei ban kaa jɔɔ nween ni.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

Rom Yaab 8:34

Ŋma li fir bii baa? Masiya le nan kpo, le nan jon man le ye u nan fii nkumin na, ki ka Uwonbɔr a nɔɔjiim paam ki miɛ Uwonbɔr ki tenn ti.

Rom Yaab 8:7

wan ta u potiɛl ki ŋa tigbanann a bamin ke, u ye Uwonbɔr a dataag le, nan bu-n waa nɔɔ Uwonbɔr a siimin ni, hali kaa sin li fir nɔɔ mi.

2 Korenti 5:20

Mambu ti ye ban si Masiya a taalin le, le Uwonbɔr be nin ti ki che ti yi bininfob. Yisa bu le ti balin ni: Ni jir ki mɔŋ nin Uwonbɔr a.

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Efesusi 2:16

Masiya a kum lidapunpunlin bu, ku kidataag kan be bi sisiigin nin, ki taa bi ki lagin tigbanann tiba kpeŋileŋ, ki taa bi jir mɔŋ nin Uwonbɔr.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Hiibru Yaab 2:17

Ni nan bu ni nan kpaa talar le u li be ke u nabum kaah be man nin niwann biɛn nin, wee ki fir kpann biminmanib a yudaau wan yab ki si nba bu nin wan ye unyunyunbasann u toon yin ki sei Uwonbɔr, ki ta uba ki mann tibir a manug ki sei bininfob.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Jɔnn 2:1

N bijiɛkaam, n sɔb kugbɔŋ nan le ki tenn ni, ke nin laa che ni tun tibiri. Amaa ni ye ke uba tun tibir ke, ti jɔɔ wan gaa pag tenn ti Baa-n ki kpiɛ ti bu, Yisa Masiya, Ubuchin daan nin.

1 Jɔnn 4:10

Njiɛm sɔ: Naa ye ti jiɛ Uwonbɔr le, amaa Uma jiɛ ti, le ki tunn U bija le u nan mann tibir a manug ti yaa bir bu.

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.