Rom Yaab 4:18 - UWONBƆR A GBƆNPƆŊ LIKƆƆNL

¹⁸ Nin tama kaah kaa le nan be nmɔn biɛn ni, Abiraham nan jɔɔ tama le ki ŋa Uwonbɔr yada le ki nan ŋa ibol takpem a baa ke Uwonbɔr kaah nan bei ke, “A yaabili na yin yab man le.”

Uwumbɔr aagbaŋ

¹⁸ U nan puu tipuur tii Abraham ke u ga ŋa u ŋinibol pam aayaaja, ke uyaabitiib ga li wiir ke iŋmabi aah wiir pu na. Ni nan bi ke tipuur ngbaan aah kaan ŋmaa gbiin le na. Abraham mu nan tee kpa limakl ke ti ga nan gbiin.

Rom Yaab 4:18 ပူးပေါင်းရင်းမြစ်များ

Tibɔnyaan ti Luk ŋmee ti na 1:18

Le Zakariya baan malaka n ke, “N yin ŋa nii ki biɛ ke ŋaah len man nan sin li ŋaa? “N pora, le n poo mu pora.

Lituln 27:25

Mambu n jɔtiib ni che ni sufu li pɔɔu man, n ŋa Uwonbɔr yada ke ni li tun ke waah len man nin.

Rom Yaab 4:17

Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

Rom Yaab 4:19

Abiraham nan kan ke u por ki mal nkuma, u nan ye ibin kobig paam le, le u poo Sɛra mu nan por ki lagir nmaala, amaa naa nan che u yada kan wee u jɔɔ-n diŋi.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Rom Yaab 8:24

Tama nan bu le ti kan feegab. Amaa tama kan wee ti ga-n kaa ye tama kolibi. Ŋma a tama be niwann nan wee u pii jɔɔ-n buu?

Hiibru Yaab 6:19

Tama kan wee ti jɔɔ nmɔn li ŋmag ti sufu le ki baa kenken. Tama nmɔn le jon lagir likinkenl lan gɔɔn nin bu, ki kɔɔ kasi a diig n-yaan ke uninfosaalin,