Rom Yaab 4:17 - UWONBƆR A GBƆNPƆŊ LIKƆƆNL

¹⁷ Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

Uwumbɔr aagbaŋ

¹⁷ Ni ŋmee Uwumbɔr Aagbaŋ ponn ni ke Uwumbɔr bui Abraham, “M ŋa si ŋinibol pam aayaaja la.” Abraham le ye tite Uwumbɔr chee. U nan tii Uwumbɔr naadii. Uma Uwumbɔr le fikr binib bi kpo na nkun ni, le ki yin binib bi kaa kee bi na, ke baah bi le na.

Rom Yaab 4:17 ပူးပေါင်းရင်းမြစ်များ

Matiu 3:9

Ni laa tiɛr ke ni li fir bei niba ke, ‘Ti jɔɔ Abiraham wan ye ti yaaja.’ N bei ni le ke Uwonbɔr li fir fiin itangbag nan wee yin kpann Abiraham a yaabili.

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 5:25

N bei ni ibamɔn le, n-yonn chaan le n-yonn nmɔn pii foon na le ban kpo li gbir Bija-n a kukɔl le ban gbir waah len man nin li kan limiɛfol.

Jɔnn 6:63

Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Lituln 15:18

nan wee ti pii nyi ibin yan jon.”

Rom Yaab 3:29

Uwonbɔr ye Juu yaab a binba a Uwonbɔr u lee? Waa ye ban kaa ye Juu yaabin ma a Uwonbɔr waa? Nn U ye ban kaa ye Juu yaab tɔɔl a weem le,

Rom Yaab 4:18

Nin tama kaah kaa le nan be nmɔn biɛn ni, Abiraham nan jɔɔ tama le ki ŋa Uwonbɔr yada le ki nan ŋa ibol takpem a baa ke Uwonbɔr kaah nan bei ke, “A yaabili na yin yab man le.”

Rom Yaab 4:2

Ni ye Abiraham a toon bu le Uwonbɔr nan ke u bɔr ŋan ke, u nan jɔɔ nan wee u li ta faa u gbingbanl, amaa naa ye Uwonbɔr a nintogili.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

Rom Yaab 9:11

Nin ni ma biɛn ni, baah kaa la nan ma njaanbum nmɔn nin, bee nin nbuwaab nmɔn n nan tun nan ŋan bee nan birin, ni ye Uwonbɔr kaah ban ki gann nan le n sir.

Rom Yaab 9:26

Le, “Ni li ŋa ke kitiŋ kan a ninfob wee N nan ke, ‘Naa ye N ninfobin,’ bi li yin bi ke, Uwonbɔr wan fo-n a buwaab,’

1 Korenti 1:28

U gann nim ban kaa ye nnaam a ninfob dulinya nan yaan nin nim ban kaa nan ye niba-n, amaa le ki ŋa nan wee dulinya yaab tiɛr ke ni ye niba-n yɔli.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

1 Timoti 6:13

Uwonbɔr a nintogil, wan tenn niwann biɛn limiɛfol nin Masiya, wan nan sir Pontiɛ Palati a nintogil ki ŋa siɛra ŋaŋ n bu, n kpaaniŋ le

Hiibru Yaab 11:12

Hali nin Abiraham kaah kaa ji nan fɔg nin nkumin gbaa, uma uja uba nmɔn a yaabili le nan yabig ke iŋmabil yan be titalangbann nin ni, ki ji yab ke limɔgil a gbaam a tanbiidil yan kaa jɔɔ kanlin.

Hiibru Yaab 11:3

Yada bu le ti biɛ ke Imɔleen le Uwonbɔr nan ta naan dulinya, ni bu naa ye nan wee ti ga nan le Uwonbɔr nan ta naan dulinya.

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

1 Piita 2:10

Isaŋ iba naa nan ye bininfobi, amaa daandaan nan ni ye Uwonbɔr a ninfob le; isaŋ iba naa nan kan linyunyunbasanli, amaa daandaan nan ni kan linyunyunbasanla.

2 Piita 3:8

Amaa ni laa tam ni niɛ nan bu, n jɔtiib: Ti Yudaau ban, lidaal liba nann ibin turil le, ibin turil mu nann weemba le.