Rom Yaab 3:22 - UWONBƆR A GBƆNPƆŊ LIKƆƆNL

²² Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

Uwumbɔr aagbaŋ

²² Binib bimɔk gaa Yesu Kristo ki kii na, bima le Uwumbɔr len ke baabɔr ŋan. Baah gaa Yesu Kristo ki kii na, nima le cha Uwumbɔr len ke baabɔr ŋan. Ubaa aa bi ubaa, ki cha biken;

Rom Yaab 3:22 ပူးပေါင်းရင်းမြစ်များ

Tibɔnyaan ti Luk ŋmee ti na 15:22

“Amaa le u baa bei u toontumin ke, ‘Ni ŋaam weem ki yuur daala ŋaŋ ki yeen mu, ki ta kigbiɛŋ ki yee u nɔɔbila, ki tagin u inaataga.

Lituln 11:12

Le Kinaaŋ beim ke n nɔɔ bi ki laa yii. Le biwonjiɛm ban be Jopa a tiŋin nin, bi biloob mu nan chiɛnim le ti jon Sizariya, le ti biɛn foo ki kɔɔ Kɔnelu a niin.

Lituln 15:9

Waa wiɛr tim nin bima, nan bu-n U ŋunn bi sufu le bi yada bu.

Lituln 3:16

“Yada nin Yisa a yinl bu le uja wan wee ni kan ki nyi u nan pɔɔg ki fin choon, waah ŋa Yisa a yinlin yada n bu. Yada kan wee u jɔɔn le che u kan kutebug ni biɛn a numin.

Rom Yaab 1:17

Tibɔŋann nin yaan le nbuchin binben man nyan Uwonbɔr ban nin kpiir npaan ni, nbuchin binben man nyan ti yada-n npiinimin nin ndiɛmin, ke naah sɔb man Uwonbɔr a gbɔŋin ke: “Ubuchin li kan limiɛfol yada bu.”

Rom Yaab 10:12

Juu yaab nin ban kaa ye Juu yaab kaa jɔɔ nbɔgirimi, uyudaan uba nmɔn le ye bi biɛn nan a yudaau le u kaar takpem be ban biɛn yi win nbu,

Rom Yaab 10:4

Masiya le ye nsiimin a diɛm le ban biɛn ŋa u yada ke bi li jɔɔ nbuchin binben.

Rom Yaab 2:1

Mambu, fin, wan jin a kpiɛ tibɔr nan, ŋaa jɔɔ nsan man wee a li nɔɔ ki ke ŋaa nyi, ni ma bu ŋaah nɔɔ nsan man bu wee ki jin a kpiɛg tibɔrin, a tɔɔl jɔɔ igalin, nan bu-n fin wan jin a kpiɛg tibɔrin tɔɔl tun man le.

Rom Yaab 3:30

Uwonbɔr ye u ba le, u ma na yin bei ban jii bi pun ke, bi bɔr ŋan bi yada bu, ki jin bei ban mu kaa jii bi pun ke, bi mu a bɔr ŋan bi yada bu.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 9:30

Ti yin len ke nii? Ti yin len le ke ban kaa ye Juu yaab, wee kaa nan nɔɔ nbuchin binben, bi nin kan nbuchin binben nin na, nbuchin binben man nyan yada kan wee bi jɔɔ-n.

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

1 Korenti 4:7

Ŋma che a jɔɔ nbɔgirim a tab ban naa? Ba wee a jɔɔ wee naa ye bi seiŋ lee? Ke ni ye bi seiŋ le ke, ba ŋa wee ni far igbingban ke baa pu ni lee?

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 3:22

Amaa Uwonbɔr a gbɔŋin bei ke, uninfo biɛn be tibir a loondiigin le, naah li ŋa man wee Uwonbɔr kaah nan siin limɔsiinl ke U li sei ban ŋa Yisa Masiya yada lifaal lan nin, bi yada nmɔn bu le U yin sei bi.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Efesusi 3:12

Taah ŋa Yisa yada ki be u ni nbu, le ti jɔɔ lipoobil ki li foo Uwonbɔr ban, nin tidindann.

Filipi 3:9

wee ki li be nin u, wee ki laa jɔɔ min tɔɔl a buchin binbem man nyan nsiimin yaan ni, amaa maah ŋa Masiya yada n bu le n jɔɔ nbuchin binben man nyan Uwonbɔr ban n yada n bu.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.

Jemisi 2:23

Le ni nan gbeen Uwonbɔr a mɔleen yan len ke, “Abiraham nan ŋa Uwonbɔr yada, le U ŋa u tibuchinn,” le ki nan yin u ke Uwonbɔr a jɔ.