Rom Yaab 2:8 - UWONBƆR A GBƆNPƆŊ LIKƆƆNL

⁸ Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

Uwumbɔr aagbaŋ

⁸ Binib bi ban tibɔr, ki yii mbamɔn, ki dii nsan mu kaa ŋan na, bima le Uwumbɔr gee liŋuul sakpen bi pu.

Rom Yaab 2:8 ပူးပေါင်းရင်းမြစ်များ

Rom Yaab 1:18

Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

Rom Yaab 10:16

Amaa naa ye bi biɛn le chee sei tibɔŋann nmɔn ni. Ni ma bu le Azaya len ke, “Uyudaan, ŋma ŋa ti mɔleen nan yadaa?”

Rom Yaab 15:18

Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

Rom Yaab 9:22

Ke ni ye Uwonbɔr gann ki wɔɔn U ŋuufiiŋ, ki che U pɔɔm nyan npaan ni, wee ki jɔɔ limɔril nin tiwann tan fiin U ŋuul wee ki bi kpaan nin Un bii ti-n naa?

1 Korenti 11:16

Amaa ni ye uba ban un fa limɔkpel ki jiin tibɔr nan bu ke, tim nin tiwonjiɛn tab kaa jɔɔ nan wee ti li tun ki kpiɛ ni niɛ bu.

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

Galantiya 5:20

nin libawol manil nin kusɔɔg; kininaŋ, likɔnl, lipiiponl, liŋuul, npooton a bam, kumaabiyiɛrug, nbɔgirim,

Filipi 1:17

Ban tun nin linunchɔril nin lipiiponl mɔɔn ti nin kujaŋuuŋ le, naa nan ye lipotiɛŋanli, ki tiɛr ke bin ban tibɔr ki jaa min bu n-yonn man wee bi nan baanim tikulorin.

Filipi 2:3

Ni laa jɔɔ npooton a bam bee ki far igbingban ni, amaa ni li jɔɔ jiininba ki li tenn ni kpiɛtiib jilima ki jo ni ba.

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

Taitus 3:9

Amaa ni nyam ijɔrig nin nmaal a ninkpeeb a yin a bɔrin nin imɔkpel a famin nin ikɔn ki ta jiin Uwonbɔr a siim paam, nan bu-n ni ye yɔli le kaa jɔɔ tinyɔɔri.

Hiibru Yaab 10:27

amaa taah guu tibɔr a jim nin nŋmi takpen man na yin gaa Uwonbɔr a dataamin a jawaam le be.

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Jemisi 3:14

Amaa ni ye ni jɔɔ lipiiponl nin npooton ni sufu ni ke, ni laa far igbingban Mambu bee ki yii ibamɔn ni.

Jemisi 3:16

Nan yaan wee linunchɔril nin kujaŋuuŋ a don nba a potiɛl be-n nin yaan le kuŋmaruŋ nin titoonbir be.

1 Piita 3:1

Nim biniinpiib, man mu le ye ni, ni li cheel ni chiɛb a mɔɔŋi ya, ni ye bi ni uba kaa ŋa Uwonbɔr a bɔr yada ke, ni binbem bu bi li ŋa yada, ke naa kpaa talar nin ni pag niba gbaa,

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

Tibɔkpiirkaan 14:10

udaan mu li nyu Uwonbɔr a ŋuufiiŋ a daam man wee U minn ŋa U ŋuufiiŋ a dapɔɔrim a yiigin. Bi na li ta lichibil a ŋmiim ki mugir udaan malakam ban be kasi nin Kipeebigin a nintogil.

Tibɔkpiirkaan 16:19

Le kitintakpeŋin bɔgir nkerim mitaa bu, le ibol a tim lur. Le Uwonbɔr nan tiɛr Babilɔnn kan ye kitintakpeŋin bu, le ki ta U ŋuul a yiinyɔɔg kan gbee nin u ŋuufiiŋ a daami ki sei Babilɔnn yaab ke bin nyu mi biɛn na.