Rom Yaab 2:15 - UWONBƆR A GBƆNPƆŊ LIKƆƆNL

¹⁵ Baah tun man nin le wɔɔn ke nsiimin kaah wɔɔn man nin be bi sufu ni, le bi potiɛl mu jin siɛra ki wɔɔn nan ŋan nin nan kaa ŋan ni, nan bu-n, isaŋ iba bi potiɛl ti nan cheel tenn bi le ke bi toon ŋan, le isaŋ iba mu ke bi potiɛl n ji len ke bi toon iba kaa ŋan ni.)

Uwumbɔr aagbaŋ

¹⁵ Baah ŋani pu na, nima le mɔk ke Moses aakaal aah len pu na bi bisui ni. Bisui ponn ni, bi nyi ni ŋan na, ni ni kaa ŋan na. Nima le baalandak bii bi n‑yoonn mubaa, ki pak bi n‑yoonn mubaa mu.

Rom Yaab 2:15 ပူးပေါင်းရင်းမြစ်များ

Jɔnn 8:9

Waah nan len man nin, le ban nan gbirin piin ki fɔr uba ba, ban nan ye bininkpeebin le nan piin ki fɔr, hali ki nan jiɛn Yisa nin upii-n a binba nin paar si niin.

Lituln 23:1

Le Pɔɔl lig Juu yaab a yudam nmɔn chiir ki nan len ke, “N nabum, maah be ki nan kpaa dinan, n biɛ n sufu ni ke n tun ki gbeen n toon kaah ye man Uwonbɔr ban na.”

Lituln 24:16

Mambu, n pɔɔn n baa le iyoo biɛn ke n tun nan kpaan, wee n sufu li be nbamɔm nin Uwonbɔr nin uninfosaal ban.

Rom Yaab 2:14

(Ibamɔn, ban kaa ye Juu yaab, wee kaa jɔɔ nsiimin ni, amaa ni ye bi tun nsiimin kaah wɔɔn man nin bi tɔɔl a lamin ke, ni wɔɔn ke bi baan tɔɔl jɔɔ nsiim, hali nin baah kaa jɔɔ nsiim nmɔn biɛn na.

Rom Yaab 2:27

Wan kaa jii u punl tigbanann nin amaa wee ki sin ŋmag nsiimin li fir pag ki biiŋ, hali nin ŋaah le jɔɔ nsiim nmɔn wee min sɔb dɔ nmɔn biɛn nin lipunjiilin, a ye wan bii nsiim le.

Rom Yaab 9:1

N pag ibamɔn le Masiya bu, maa por tibɔkari, le n potiɛl jin siɛra Kasi a naaŋin,

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.

1 Timoti 4:2

Nwɔɔm nmɔn nya bitingbiib ban larin ban le, ban a potiɛl denn ke bi ta kukurug toŋ le tabin nin.

Taitus 1:15

Bininfob ban be kasi-n, bi wan biɛn be le kasi, amaa bininfob ban kaa be kasi wee kaa jɔɔ yada-n ma ban, niba kaa be ki be kasi. Nan bu-n bi sufu nin bi potiɛri biɛn ŋmarin na.