Rom Yaab 2:14 - UWONBƆR A GBƆNPƆŊ LIKƆƆNL

¹⁴ (Ibamɔn, ban kaa ye Juu yaab, wee kaa jɔɔ nsiimin ni, amaa ni ye bi tun nsiimin kaah wɔɔn man nin bi tɔɔl a lamin ke, ni wɔɔn ke bi baan tɔɔl jɔɔ nsiim, hali nin baah kaa jɔɔ nsiim nmɔn biɛn na.

Uwumbɔr aagbaŋ

¹⁴ Binib bi kaa ye Juu yaab na aa nyi Moses aakaal. Bi yaa ŋani Moses aakaal aah len pu na baageehn pu, ki mu aa nyi nkaal ngbaan kan, baalandak le mɔk bi baah ga dii pu na.

Rom Yaab 2:14 ပူးပေါင်းရင်းမြစ်များ

Lituln 10:35

Amaa U gaan ibol biɛn ban san u, ki tun nan ŋan nin le.

Lituln 14:16

Yaayoo nna, U nan che ibol biɛn ŋaan baah ban man le.

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Rom Yaab 1:32

Bi nyi Uwonbɔr a buchin siimin kaah len ke bininfob ban tun man nmɔn kpaan nin nkum le, baa nan tun man a binba amaa le ki sin chee sei bitab ke bi li tun man na.

Rom Yaab 2:12

Ban biɛn kaa jɔɔ Uwonbɔr a siim wee ki tun titoonbirin, bi yin kpo le kaa jɔɔ nsiimi, ban biɛn jɔɔ Uwonbɔr a siimin, amaa wee ki tun titoonbirin, Uwonbɔr yin ta nsiim nmɔn le ki ji bi tibɔr.

Rom Yaab 2:15

Baah tun man nin le wɔɔn ke nsiimin kaah wɔɔn man nin be bi sufu ni, le bi potiɛl mu jin siɛra ki wɔɔn nan ŋan nin nan kaa ŋan ni, nan bu-n, isaŋ iba bi potiɛl ti nan cheel tenn bi le ke bi toon ŋan, le isaŋ iba mu ke bi potiɛl n ji len ke bi toon iba kaa ŋan ni.)

Rom Yaab 2:27

Wan kaa jii u punl tigbanann nin amaa wee ki sin ŋmag nsiimin li fir pag ki biiŋ, hali nin ŋaah le jɔɔ nsiim nmɔn wee min sɔb dɔ nmɔn biɛn nin lipunjiilin, a ye wan bii nsiim le.

1 Korenti 11:14

Ti binbemin ni pii wɔɔn ke uja jɔɔ tiyukper fufɔgir ke ni ye ifa le ki sei u,

1 Korenti 9:21

Ni ye n be ban kaa nɔɔ nsiimin ban ke, n ta nba le ŋa wan kaa nɔɔ nsiim, ke bin kan nŋmarim. (Ni niɛ kaa wɔɔn ke maa nɔɔ Uwonbɔr a siimi, amaa n nɔɔ Masiya a siim le).

Efesusi 2:12

Ni li tiɛr ke iyaayoo nmɔn ni nan bɔgir nin Yisa u, baa nan kaan ni kpiɛg Uwonbɔr a ninfogannkaabin ni, ni nan ye bicham le, kaa ji kpiɛ limɔsiinl a poorin yaan ni, kaa jɔɔ tama, kaa jɔɔ Uwonbɔr dulinya nan yaan ni.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.