Rom Yaab 16:21 - UWONBƆR A GBƆNPƆŊ LIKƆƆNL

²¹ Timoti, wan ye n toon tun kpiɛgin, poor ni, le Lusiɛsi, nin Jasonn, nin Sosipata ban ye n bol yaabin mu poor ni.

Uwumbɔr aagbaŋ

²¹ Timoti, u ye maatutuŋeer na dooni nimi. Nnaabitiib Lusius, ni Jasonn, ni Sosipata mu dooni nimi.

Rom Yaab 16:21 ပူးပေါင်းရင်းမြစ်များ

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 17:14

Libonl nmɔn le biwonjiɛmin nan chiɛn Pɔɔl nin biba ki tan jaa bi limɔgil a gbaam, amaa le Silasi nin Timoti ma paar Beriya.

Lituln 17:5

Amaa Juu yaabin nan ŋa u lipiiponl le; ki jin ki lagin kinyaŋ a ninfobir, ki nan mug kitiŋ nmɔn yaan nin tifur, ki tan leg Jasonn a niin, ki ban Pɔɔl nin Silasi, ke bin nyan bi dan kuninfogbaluŋin ban.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Lituln 19:22

U nan tun Timoti nin Erasitusi ban ye u toon terib bilee-n le, Masedoniya, amaa le u paar Asiya a tiŋin.

Lituln 20:4

Pirusi wan nyan Beriya a bija Sopata, nin Arisitakusi nin Sekondusi, ban nyan Tesalonika, nin Gayɔsi wan nyan Deba, nin Timoti nin Tachikusi nin Tirofimusi ban nyan Asiya a tingbɔŋin nin, bi ma nan nɔɔ Pɔɔl ki jon.

Rom Yaab 16:11

Poor Herodiyon, wan ye n bol a ninfou win na. Poor Narisisu a niin yaab ban be Uyudaan nin ni-n na.

Rom Yaab 16:7

Poor Anduroniku nin Juniɛsi ban ye n bol yaab ki ji ye n loondiig kɔɔn tabin. Bi jɔɔ liyinl Masiya a tooi yin ban, bi nan chinn ŋa Masiya yada nin ma.

Rom Yaab 9:3

N bi ban ke Uwonbɔr a mɔpoolin bin jim wee min nin Masiya n yiɛr nin tab min tɔɔl a nabumin bu, ban wee min nin bi ma piɛ libolin,

2 Korenti 1:1

Min Pɔɔl wan wee Uwonbɔr a bam bu wee n ŋa Masiya a toom nan, min nin ti na a big Timoti, le sɔb kugbɔŋ nan ki tenn Uwonbɔr a ninfob ban be Korenti, nin u ninfob gannkaab ban biɛn be Akaya a tingbɔŋin biɛn.

2 Korenti 1:19

Amaa Uwonbɔr a bija Yisa Masiya wan wee min nin Silasi nin Timoti nan mɔɔn u bɔr ki sei nin, waa ye “Nn” nin “Aai,” amaa u ma bu ke iyoo biɛn u “Nn” le ye “Nn” le.

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

Kolosiya 1:1

Pɔɔl wan ye Masiya a toom Uwonbɔr a bam bu-n, nin ti na a big Timoti,

1 Tesalonika 1:1

Min Pɔɔl nin Silasi nin Timoti; Le sɔb kugbɔŋ nan ki tenn Tesalonika a wonjiɛm a laguŋ kan wee ti Baa Uwonbɔr nin ti yudaau Yisa Masiya ye-n; Uwonbɔr a kaar nin nposɔɔn li be nin ni.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Tesalonika 3:6

Amaa Timoti le la nyan ni ban le ki foon ti ban ki ŋmagin tibɔŋann ki ta jiin ni yada nin ni jiɛm paam. U bei ti ke ni le la tiɛr ti bu le ki bi ban ni kan ti, ke ti mu kaah le ban ti kan ni man nin.

2 Tesalonika 1:1

Min Pɔɔl nin Silasi nin Timoti, Le sɔb kugbɔŋ nan ki tenn biwonjiɛm a laguŋ kan be Tesalonika ki be nin ti Baa Uwonbɔr nin ti Yudaau Yisa Masiya bu:

1 Timoti 1:2

N sɔb tenn Timoti wan ye n big bamɔŋ yada bu nle: Ti Baa Uwonbɔr nin ti Yudaau Masiya a linyunyunbasanl nin nposɔɔn li be a bu.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

1 Timoti 6:20

Timoti, li mann ŋmag nan wee Uwonbɔr ta ŋa a nɔɔn ke a li ŋmagin nbamɔma. Jiɛn tijɔrbɔr tan ye limɔkpel wee kaa jɔɔ nyɔɔr kaa biɛ ji ye Uwonbɔr yaar wee bibam yin ni nlamin na,

2 Timoti 1:2

le n sɔb ki tenn Timoti wan ye n bibankaagin: Ti Baa Uwonbɔr nin ti Yudaau Masiya a nyunyunbasanl nin nposɔɔn li be a bu.

Hiibru Yaab 13:23

N ban ni li nyi ke bi loor ti nabig Timoti kuloondiigin ki jaau. Ni ye u foon weem ke, n li ta u ki dan wee ti nan kan ni.