Rom Yaab 16:2 - UWONBƆR A GBƆNPƆŊ LIKƆƆNL

² N bei ni le ke u dan ke ni gaam u ke naah kpaan Uyudaan a ninfob li gaan bi tab man Uyudaan a yinl bu, wee ki ter u waah li ban literil lan ni ban, nan bu-n u ter bininfob takpem pam, nin min gbaa tɔɔl.

Uwumbɔr aagbaŋ

² U nan ter binib pam ki ter m mu. Nima na, ni mu gaa u Tidindaan pu, naah ŋeer Uwumbɔr aanib pu na, ki li ter u waah ga li ban pu na.

Rom Yaab 16:2 ပူးပေါင်းရင်းမြစ်များ

Matiu 25:40

“Le ubɔrin mu na li jiin ke, ‘N bei ni ibamɔn le, naah nan tun man ki tenn n nabum ban waarin, ni nan ye min le ni nan tun ki tenn.’

Lituln 9:13

Le Ananiɛsi jiin ke, “Uyudaan, bininfob takpem le pag uja nmɔn bu, ki jiin niwann nan biɛn wee u tun ki jin a tɔɔl a ninfob fala Jerusalam man.”

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Lituln 9:39

Le u fii ki nɔɔ bi, waah nan tan foon, le bi ta u ki don paab a diig n-yaan. Le ipukɔɔ yan biɛn nan be kudiig nmɔn yaan fii ki sir gɔɔn Piita ki mɔr, ki ta bi tan nin bi daalam ki wɔɔn u, ki ke, “Dokasi kaah nan be u miɛfolin ki ŋal nan teen ti sɔ.”

Lituln 9:41

Le Piita choo u nɔɔ, ki ter u, le u fii sir. Le u yin biwonjiɛmin nin ipukɔɔ-n, ki ta u ki sei bi, ke u fo.

Rom Yaab 15:7

Ni gaam tab, ke Masiya kaah gaa ni man nin, naah li ŋa man wee ni fir ta npagim ki sei Uwonbɔr.

Rom Yaab 16:15

Poor Filogusi, nin Juliya, nin Neresi nin u ninsa, nin Olimpasi, ki nin kpiɛ biwonjiɛm ban be bi ban nin na.

Rom Yaab 16:23

Gayɔsi, wan gaa min nin biwonjiɛm a laguŋin biɛn kuchɔŋin wee ni mɔ ti-n poor ni. Erasitusi wan ye kitiŋ poolin a lig ŋmagir win, nin ti nabig Kuratusi poor ni.

Rom Yaab 16:6

Poor Meri wan nan tun itoon takpem ki ter ni-n.

Rom Yaab 16:9

Poor Uribanusi, wan ye ti toon tun kpiɛg Masiya ni-n, nin n jɔ kpaarimɔɔn Sitachisi.

Efesusi 5:3

Amaa ni laa che ti gbir iwanchɔgin toon lipiibanlin bee lijabanlin a wama ni sisiigin ni, bee ki laa tun tijaginn a toon iba, bee kujaŋuuŋ, nan bu-n naa ŋan nin Uwonbɔr a Kasi a ninfob li be man ni.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 2:29

Ni gaam u nin nmɔn takpen uyudaan a yinl bu, ki sei bininfob ban be ke u ma nan jilimau,

Kolosiya 4:10

Arisitakusi, wan wee bi loon u ki kpiɛ n bu-n, u mu poor ni. Le Banabasi a pool a bija Mag mu poor ni. (N pii nan wɔɔn ni u bɔra; ni ye u nan foon ni ban ke, ni gaam u.)

1 Timoti 2:10

amaa wee ki li tun nan ŋan na, ni ma ŋan ki sei bipiib ban ke bi jiɛn Uwonbɔr.

2 Timoti 1:18

Ti yudaau n san u kunyunyunbaag u jirin daal! A baantɔɔl nyi waah nan terim Efesusi a tiŋin man.

Taitus 2:3

Man mu jigin, wɔɔn bipiininkpeeb wee bi li jɔɔ jilima bi binbemin, ki laa ye bitingbiibi, ki laa ye bidanyubi, amaa wee ki li wɔɔn nan ŋan.

Filemonn 1:12

Uma wan ye n poobil a ninfou win le n jɔɔ u jiin a ban.

Filemonn 1:17

Ni ma bu ni ye a nyi ke n ye a toontunn kpiɛg ke, gaa mu ke ŋaah bi li gaam man nin.

2 Jɔnn 1:10

Ni ye uba dan a ban wee kaa ŋmag Yisa a wɔɔmin ke, laa che un kɔɔ a niin bee a poor wi.