Rom Yaab 16:17 - UWONBƆR A GBƆNPƆŊ LIKƆƆNL

¹⁷ N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

Uwumbɔr aagbaŋ

¹⁷ Nnaabitiib, m gaŋni nimi ke ni li nyi binib bi jaani nimi ki cha ni lir, ki kpak naah nan bae Uwumbɔr aabɔr ti na. Ni nya bi chee man.

Rom Yaab 16:17 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Matiu 18:7

“Woo, nton li be dulinya nan a ninfob ban lar bitab wee bi tun titoonbir nan bu. Libiginl ma li dan, amaa ni li bir ki sei uninfo wan bu wee libiginl nmɔn nɔɔ ki lur bininfob bu-n.

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Tibɔnyaan ti Luk ŋmee ti na 17:1

Le Yisa nan bei U bɔɔnɔɔb ke: “Tiwann tan li che bininfob ntun tibir li dan, amaa ni li bir ki sei naah dan wan bu.

Lituln 15:24

Ti gbir ke ti ni biba dan ni ban le naa ye tim le tun bi, ki jɔɔ tibɔr ti ba ki pag ni, le ni mugir ni ki ŋmarin ni potiɛl.

1 Korenti 11:18

Chinchinn n gbir ke ni ye ni lagin tab biwonjiɛm a laguŋ ke, nbɔgirim be ni sisiigin le, le n sin kan ke ni ye ibamɔn le.

1 Korenti 3:3

Ni le la be le ke dulinya yaabin, ni la jɔɔ lipiiponl le nin limɔkpel ni sisiigin, ni toon kaa be le ke dulinya yaab a toon yaa?

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Filipi 3:17

N nabum, nim nin ni tabin biɛn li nɔɔ maah mag man ki wɔɔn ni nna, wee ki biɛ ban a binbem nɔɔ nsan man wee ti nan sei ni-n.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

2 Tesalonika 3:6

Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

1 Timoti 1:3

Ke maah pii nan beiŋ man n-yonn man wee n nan jon Masedoniya-n, li be Efesusi wee ki che bininfob bibam nlaa ji wɔɔn tibɔkari,

2 Timoti 3:5

bi na yin jɔɔ nwonjiɛn binben le tigbanann nin, amaa le ki sin yii liwonjiɛnl a pɔɔm. Ni laa che nim nin bi ma jɔɔ nɔɔ nin tabi.

Taitus 3:10

A kpaan kumabiyiɛrugdaan taaliba bee itaa ilee wee waa kpenn ke, a nyam udaan a bɔrin ki laa ji kan u ki kpiɛ ni kanlin ni.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

Juud 1:19

Bi ma ye bininfob ban bɔgir ni, ki nɔɔ bi gbanann kaah ban man wee kaa jɔɔ Kinaaŋin.