Rom Yaab 15:8 - UWONBƆR A GBƆNPƆŊ LIKƆƆNL

⁸ Ni ma bu le min bei ni ke Masiya ye Juu yaab a toontunn u Uwonbɔr a bamɔn bu le, ke nin gbeen U mɔsiinl lan nan siin sei ti yaajamin,

Uwumbɔr aagbaŋ

⁸ M tuk nimi la, Kristo nan ter Juu yaab ki gbiin Uwumbɔr aah nan puu tipuur tii biyaajatiib pu na, ki mɔk ke Uwumbɔr len mbamɔn la,

Rom Yaab 15:8 ပူးပေါင်းရင်းမြစ်များ

Matiu 15:24

Le Yisa jiin ke, “Bi nan tum Iziral yaab ban nann ipee ki borin a binba ban le.”

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Jɔnn 1:11

U nan dan u yaabin le, amaa le u yaab nmɔn kaa nan gaa wi.

Jɔnn 10:16

N jɔɔ ipee iba yaa ye likpinkpenl nan a peei. Ni kpaa le n taan itɔɔl ni. I mu li pel n kukɔl, wee i nlabir ipee iba yan nɔɔ tab ki jɔɔ upeekpaar uba.

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Rom Yaab 11:22

Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

Rom Yaab 11:30

A li ke nim ban kaa la nan chee Uwonbɔr a mɔb isaŋ iba wee Uwonbɔr nan san ni kunyunyunbaag Iziral yaab a mɔyiilin bu-n,

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 3:26

U nan ŋa man ki wɔɔn U bamɔn le n-yonn man wee ti be nan, ke U li ye ubamɔndaan wee ki ŋa ban ŋa Yisa yada-n mu bibamɔndam.

Rom Yaab 3:3

Ni ye bi ni bibam kaa si bogiliba ke, bi kaa si bogiliba nmɔn li fir bii Uwonbɔr mu wee U laa si bogilibaa?

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

1 Korenti 1:12

Nan wee n pag nmɔn ye nan le: Ni ni uba ke “Min nɔɔ Pɔɔl le”, le uba mu ke “Min nɔɔ Apolosi le”; le uba mu ji ke “Min nɔɔ Piita le”; le utɔ mu ke “Min nɔɔ Masiya le.”

1 Korenti 10:19

Ke n wɔɔn ke kumanug ye niba lee, bee libawol ye niba lee?

1 Korenti 10:29

uninfo u miɛnin a potiɛl bu le n pag nan, naa ye fin ni. Ni bi yin ŋa nii wee n wiib a binbem nmugir uba a potiɛlaa?

1 Korenti 15:50

N nabum, n bei ni le ke, tigbanann nin ncham kaa li fir kɔɔ Uwonbɔr a naamin ni, le nan bur mu kaa li fir kɔɔ nan kaa bur a naamin ni.

2 Korenti 1:20

Ni ma bu ni baga kaa be nin Uwonbɔr kaah siin imɔsiin yan biɛn nni, i ye “Nn” le, Masiya bu. Le u ma Masiya bu “Ibamɔn” yan wee ti pagin, i ye kupag le ki donn Uwonbɔr.

Efesusi 2:12

Ni li tiɛr ke iyaayoo nmɔn ni nan bɔgir nin Yisa u, baa nan kaan ni kpiɛg Uwonbɔr a ninfogannkaabin ni, ni nan ye bicham le, kaa ji kpiɛ limɔsiinl a poorin yaan ni, kaa jɔɔ tama, kaa jɔɔ Uwonbɔr dulinya nan yaan ni.