Rom Yaab 15:18 - UWONBƆR A GBƆNPƆŊ LIKƆƆNL

¹⁸ Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.

Uwumbɔr aagbaŋ

¹⁸ M ban m tuk nimi Kristo aah cha m tun lituln pu na la. Maan len biken aatuln pu. U cha m tuk binib bi kaa ye Juu yaab na waabɔr ki tun lijinjiir aatun, ke bi kii waamɔb.

Rom Yaab 15:18 ပူးပေါင်းရင်းမြစ်များ

Matiu 25:16

Wan nan gaa miŋmu-n nan nyan le weem ki tan ta piin kpoŋkpoŋ, ki kan tinyɔɔr salima a bɔɔlim miŋmu ki kpiɛ i bu.

Tibɔnyaan ti Mak ŋmee ti na 16:20

Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.

Lituln 14:27

Baah nan foo Antiɛg nan, le bi bei biwonjiɛm a laguŋin Uwonbɔr kaah ta bi tun man, nin waah loor nsan man ki sei ban kaa ye Juu yaab wee bi ŋa yada man.

Lituln 15:12

Le kulaguŋin nmɔn yaab jir ŋmin soon, ki nin pelig Banabasi nin Pɔɔl kaah pag Uwonbɔr kaah ta bi tun ligaril a siɛra nin lijinjeel a toonl man, ban kaa ye Juu yaabin a sisiigin.

Lituln 15:4

N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.

Lituln 21:19

Le Pɔɔl poor bi, ki wɔɔn bi Uwonbɔr kaah tun nan ki sei ban kaa ye Juu yaabin u ma Pɔɔl a toon yin.

Lituln 26:20

Chinchinn, n mɔɔn Uwonbɔr a bɔr nmɔn le ki sei Damasiko yaab, nin Jerusalam yaab, nin Judiya a tingbɔŋin biɛn. Le ki mɔɔn ti sei ban kaa ye Juu yaab mu. N wɔɔn bi le ke bin kpenn bi binbem wee ki ta biba ki sei Uwonbɔr a, ki li be nbinbem man sin li wɔɔn ke bi kpenn bi binbema.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 16:26

amaa daandaan nan ti kpiir ki dɔ npaan nin le, ilinlen leen a sɔbimin yaan, le Uwonbɔr wan kaa jɔɔ diɛm nan a siimin bu, wee ibol biɛn nŋa U yada ki chee U mɔb,

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

2 Korenti 11:31

Ti Yudaau Yisa a Baa Uwonbɔr wan ŋan nin npagim iyoo biɛn ni, U ma nyi maah kaa por tibɔkari.

2 Korenti 12:6

Hali ni ye n gann ki ke n fa ligbingbanl ke, maa li ŋa kujɔrugi, nan bu-n n yin pag ibamɔn le. Amaa maa yin fa ligbingbanli, wee nin che uba npagim ki jo npagim man kpaan nim mi ki jiin maah tun man bee maah pag nan ni.

2 Korenti 3:5

Taa wɔɔn tiba ke ti li fir tun niba nin ti tɔɔl a pɔɔmi, amaa taah fir tun nan ni nyan Uwonbɔr ban le.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 2:8

Uwonbɔr wan nan tun nin Piita wee u nan ye ntoon ki sei Juu yaabin, Uwonbɔr nmɔn le tun nin n mu le n ye ntoon ki sei ban kaa ye Juu yaabi.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

2 Tesalonika 2:17

Un sei ni lipoobil ki pɔɔg ni gbanann nin itoon ŋan nin imɔleen ŋan.

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Jemisi 1:22

Ni laa pelig imɔleen nin a binba, wee ki lar niba. Ni tum yaah len man nin.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.

Juud 1:9

Amaa hali malakam a ninkpelu Maakil, nin Sintani kaah nan far limɔkpel nin tab ulinlenn Moziz a gbanann bu-n, waa nan chee ki jɔɔ kutingbiig a galin nin Sintani, amaa le ki len ke, “Uyudaan li fuun a bu!”