Rom Yaab 15:16 - UWONBƆR A GBƆNPƆŊ LIKƆƆNL

¹⁶ ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Uwumbɔr aagbaŋ

¹⁶ ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Rom Yaab 15:16 ပူးပေါင်းရင်းမြစ်များ

Lituln 13:2

Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.”

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 22:21

“Le Uyudaan beim ke, ‘Fin le li chaau; min le yin tuŋ nan fɔg bininfob ban kaa ye Juu yaabin ban.’ ”

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 1:1

Pɔɔl, wan ye Masiya a toontunnu, wee U yim ki gannim ki ŋaam ntoon ke n mɔɔn Uwonbɔr a bɔŋann nin,

Rom Yaab 11:13

N pag bei nim ban kaa ye Juu yaab nan le. Maah le ye ntoon ki sei ban kaa ye Juu yaab nan man, n jɔɔ linunmanl n toon nmɔn bu,

Rom Yaab 15:18

Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.

Rom Yaab 15:19

Le ni ma ye siɛra nin ligaril a toon a pɔɔm nin Kinaaŋin a pɔɔmin. Ni bu naah nyan Jerusalam ki tan kpaa Dalimasiya a yerin, n mɔɔn Masiya a bɔŋann nin ki diɛ niin na.

Rom Yaab 15:20

N le gbaa boŋ le ke n mɔɔn tibɔŋann nin nan yaan wee bininfob kaa la nyi gbir Masiya a bɔrin ni, wee ni laa ye ke n maa tɔɔn uba a fiɛl bu le.

Rom Yaab 15:29

N nyi ke n nan dan ni ban ke, n na yin ŋmag Masiya a kaarin le takpem ki dan.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 5:20

Mambu ti ye ban si Masiya a taalin le, le Uwonbɔr be nin ti ki che ti yi bininfob. Yisa bu le ti balin ni: Ni jir ki mɔŋ nin Uwonbɔr a.

2 Korenti 8:5

Bi nan ŋa ki jon taah bi tiɛr ke bi li fir ŋa man na, amaa bi nan chinn ta biba le ki sei uyudaan; le ki nin ta biba ki sei ti le ti ŋmag Uwonbɔr a bam.

Galantiya 3:5

Uwonbɔr nan ta U Kasi a Naaŋin ki sei ni nin ligaril a toon yan wee U nan tun ni sisiigin nin ke naah ŋmag nsiim nbu le, bee naah gbir tibɔŋannin ki ŋa ti yada n buu?

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Efesusi 2:22

Uma bu le ni mu lagin ki maa kudiig kan yaan wee Uwonbɔr be nin Kinaaŋin.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

1 Tesalonika 2:2

Ni nyi taah nan be Filipi a tiŋin wee bi sugir ti ki jin ti fala man, biba nan gbaar le ke bin gɔɔ ti wɔɔnimin, amaa Uwonbɔr a pɔɔmin le ti kan lipoobil ki mɔɔn U bɔŋann nan ki tenn ni.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

1 Timoti 2:7

Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

2 Timoti 1:11

Tibɔŋann nan bu, le Uwonbɔr nan gannim ki ŋaam umɔleenmɔɔn, nin ntoon nin wan wɔɔnn.

Hiibru Yaab 13:16

Ni laa tam itoon ŋan a tumi, ki li por tab naah jɔɔ nan na, man a manug le Uwonbɔr a num gbee.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.