Rom Yaab 14:18 - UWONBƆR A GBƆNPƆŊ LIKƆƆNL

¹⁸ nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Uwumbɔr aagbaŋ

¹⁸ Unii u dii Kristo ki bi kina na, u ga piir Uwumbɔr aasui. Binib mu ga pak u.

Rom Yaab 14:18 ပူးပေါင်းရင်းမြစ်များ

Tibɔnyaan ti Mak ŋmee ti na 13:34

Ni na yin be le ke uja uba kaah yin nya u niin ki jo nsan man fɔg a dann le, ki bei u buwaab ke bi li ŋmag iniin ni nbamɔm le ki por bi biɛn nan nin bi toon, ki sin bei u niin guurin ke u li guu wee ki sin yaar jon u samin le.

Jɔnn 12:26

Wan ban un tun terim ke ni ye u li nɔɔm le, le n be nan yaan ke, n toontunnu mu li be niin. N Baa li sei wan tun tenn min jilima.

Lituln 10:35

Amaa U gaan ibol biɛn ban san u, ki tun nan ŋan nin le.

Rom Yaab 12:11

Ni laa san ligbanyagili, amaa wee ki li ŋmag kinaaŋin ni sufu ni, ki li tun tenn Uyudaan na.

Rom Yaab 14:4

A ye ŋma wee ki li fir galin uba a toontunnu waa? U tɔɔl a yudaau ban le u sisiim bee u lum yin nya. U li sir, Uyudaan li fir che un sir.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

1 Korenti 7:22

Wan nan ye uyom wee Uyudaan yin u ke, waa ji ye uyom Uyudaan ban ni, man mu le wan mu nan ye uba wee Uyudaan yin u ke, u nin ye Masiya a yomu le.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.

2 Korenti 5:9

Nibu, ti num man le nin ti penn u sufu, taah be tigbanann a niin nan yaan, bee taah kaa be ti yaan ni.

2 Korenti 6:4

Ti ga fala nin limugil nin tibɔr, amaa le ki jɔɔ limɔril takpenl ki ta tiba ki sei itoon nin nin ni wan biɛn ni, taah ye Uwonbɔr a toontumin nbu,

2 Korenti 8:21

Ti boni kaa ye ti tun nan ŋan Uwonbɔr a numbimin a binba le, amaa ti ban ti tun nan ŋan le bininfobin tɔɔl a numin.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Kolosiya 3:24

naah nyi ke ni na li gaa lifaal Uyudaan ban nin wee ni ye tiyɔrin. Ni ma bu Uyudaan Masiya le ni tun ki tenn.

1 Timoti 2:3

Ni niɛ le ŋan, ki gbee Uwonbɔr wan fee ti gabin a num,

1 Timoti 5:4

Amaa lipukɔɔl lan jɔɔ nbuwaab bee iyaabil ke, nbuwaab nin iyaabili nmɔn le ye bin chinn tinn biwonjiɛnl a sam ki li jɔɔ tun ki lig bi niin yaab, bi ŋa man ke bi li yɔ ki jiin bi baam nin bi yaajam kaah nan tun nan ki sei bin, Uwonbɔr a num kaah gbeeg nan le yen.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:20

Amaa a ŋa tibir wee bi booŋ a toonbir nmɔn bu wee a jin fala ke, baa nyɔɔr wee a kan naa? Amaa ni ye a jin fala itoon ŋan bu ki jɔɔ limɔril ke, ni ma le a li kan npagim Uwonbɔr ban.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.