Rom Yaab 14:13 - UWONBƆR A GBƆNPƆŊ LIKƆƆNL

¹³ Mambu ni che ti ta tab a bɔr a jim jiɛn na. Ki che ni li be ni sufu ni ke naa yin ye litangbag gbiɛrikaal bee naa yin leg ni nabig a sami.

Uwumbɔr aagbaŋ

¹³ Nima pu na, ti taa ki galni tɔb. Ni li nyi ki taa leŋ nina aabo Uwumbɔr aasan ni.

Rom Yaab 14:13 ပူးပေါင်းရင်းမြစ်များ

Matiu 16:23

Le Yisa gbiɛ lig Piita ki bei u ke, “Sintani nan, fɔɔr n ban na! A ye litangbag gbiɛrikaal le n samin, nan bu-n ŋaa tiɛr nan ye Uwonbɔr yaan bu, le ki tiɛr nan ye uninfosaal yaan.”

Matiu 18:7

“Woo, nton li be dulinya nan a ninfob ban lar bitab wee bi tun titoonbir nan bu. Libiginl ma li dan, amaa ni li bir ki sei uninfo wan bu wee libiginl nmɔn nɔɔ ki lur bininfob bu-n.

Matiu 7:1

“Ni laa ji tab tibɔri, naa ye man ke Uwonbɔr mu li ji ni tibɔr.

Tibɔnyaan ti Luk ŋmee ti na 12:57

“Ba ŋa wee naa li fir ji nitɔɔl a bɔr ki gann nan ŋan ki sei ni baa?

Tibɔnyaan ti Luk ŋmee ti na 17:2

Bi bi ta linaal ki lol jɔn u sulum ki ta u jaa limɔgilin ke ni bi sɔ, nin un che nbuwaab nan a ni uba ntun tibir.

Rom Yaab 11:9

Le ubɔr Defid len ke: “Che bi jijibol n kpann kupeŋ ki chor bi, nin litangbagil gbiɛrikaal nin litudaril ki sei bi.

Rom Yaab 14:10

Ke fin, ba ŋa wee a ji a nabig tibɔraa? Bee ba ŋa wee a yin a nabig yɔlii? Nan bu-n ti biɛn na li sir Uwonbɔr a nintogil tibɔr a ji bol.

Rom Yaab 14:3

Wan ji tijiir a booli biɛn nin laa yin wan kaa ji tijiir biɛn nin yɔli, wan mu kaa ji tijiir biɛn nin mu laa galin wan ji tijiir a booli biɛn nin ni, nan bu-n Uwonbɔr gaa u daan na.

Rom Yaab 14:4

A ye ŋma wee ki li fir galin uba a toontunnu waa? U tɔɔl a yudaau ban le u sisiim bee u lum yin nya. U li sir, Uyudaan li fir che un sir.

Rom Yaab 16:17

N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

1 Korenti 10:32

Ni laa che uba nlu waah ye Juu a ninfou, bee Girig a ninfou, bee uwonjiɛn ni.

1 Korenti 11:13

Ni baan ni bau njee ni ŋan nin upii li miɛ Uwonbɔr wee kaa yil sadigaa?

2 Korenti 5:14

Masiya a bamin le ŋmag ti, taah biɛ ke uninfo uba le kpo ki sei bininfob biɛn ni, ni bu bininfob biɛn kpeg le.

2 Korenti 6:3

Taa ta litangbagil gbiɛrikaal ki bil uba a samin ni, mambu uba kaa li fir kan ti galin ti toon yin ni.

Filipi 1:10

wee nin che ni fir ki gann niwann nan ŋan ki be kasi kaa jɔɔ igalin ki nan kpaa Masiya a dan daal,

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

Jemisi 2:4

naa ye nganim le ni ŋa ni sisiigin nmɔn naa? Ki labir bibɔjib ni potiɛbir buu?

Jemisi 4:11

N nabum, ni laa jɔɔ kutingbiig nin tabi. Wan pag tibɔbir ki sei u nabig bee ki jin u tibɔr ke, u pag galin nsiimin le, ki jin nsiim nmɔn tibɔra. Ni ye a jin nsiim tibɔr ke, ŋaa ŋmag mi le nmɔn, a ye wan jin nsiim nmɔn le tibɔr.

1 Jɔnn 2:10

Wan jiɛ u nabig ke, udaan be nwonween nin le, le niba kaa be u ban ki li che un gbiɛri.

Tibɔkpiirkaan 2:14

Ni biɛn yɔli, n jɔɔ tiwann wama nan che n galin ni: Ni jɔɔ bininfob biba be ni ban ki ŋmag Balaam a wɔɔmin, wan nan tinn Balag waah li ŋa man wee Iziral yaab n tun tibir ki ŋman tibawonann, ki li tun iwanchɔgin toon.