Rom Yaab 13:11 - UWONBƆR A GBƆNPƆŊ LIKƆƆNL

¹¹ Ni ŋaam nan, ni biɛm taah be n-yonn man daandaan nan a taai ya. Isaŋ foo nin ni ligir ni jiɛmin na, nan bu-n ti feegabin mal ti ki jon taah nan chinn ŋa yada n-yonn man nin na.

Uwumbɔr aagbaŋ

¹¹ Ni li ŋani kina man. Ba pu? n‑yoonn mumina ye linimaln aayoonn la. Ni ŋeer ke ni finn ngeen pu ki taa ki san ligbanyakl. Tidindaan aah ga gir ni bundaln na aan ki yunn. Le u ga nyan timi falaa mɔmɔk ponn ni.

Rom Yaab 13:11 ပူးပေါင်းရင်းမြစ်များ

Matiu 16:3

Amaa ni ye ke njakpanyiɛn titalangbann mann ki nan bɔnn ke, ni ti bei le ke ‘Dinan ma, ntafaam li da.’ Ni bugir titalangbann a sam, amaa le kaa sin fir bugir n-yonn nan ma.

Tibɔnyaan ti Luk ŋmee ti na 21:28

Ni nan biɛn nan piin ki ŋaan ke, ni fii sir ki yaar ni yuli paaba, nan bu-n ni kpenim a manug a yoo mala.”

1 Korenti 10:11

Ni niɛ nan biɛn nan tun ki ye limagil le ki sei bi, ni nan ye ikpaan le ki sɔb dɔ ki sei tim ban nan joor bɔɔn dulinya nan a diɛmin.

1 Korenti 15:34

Ni che ni lam njirin, wee ni li be ke naah bi ye ni li be man ni, wee ki laa ji tun tibiri; nim bibam kaa nyi Uwonbɔr i. N len man le ke n jin ni ifa.

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Jemisi 5:8

Ni mu li jɔɔ limɔrila, ki li si nbamɔma, nan bu-n Uyudaan a damin mala.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

2 Piita 3:11

Tɔ, ni niɛ biɛn kaah na li gab yɔli nan, ni kpaan ni li ye ŋmam maa? Ni kpaan ni li be nbinben man ye kasi le nin nwonjiɛn binben,

2 Piita 3:9

Ti Yudaau kaa ye wan sɔɔn wee kaa ŋmag u mɔsiinlin ni, a li ke biba kaah tiɛr nsusɔɔn bu man nin. U jɔɔ limɔril le nin ni, kaa ban uba n nan kpo, amaa u ban uninfo biɛn nkpenn u binbem le.

1 Jɔnn 2:18

N bijiɛkaam, iyoo yan joor sɔ, ke naah pii gbir ke Masiya a dataag chaan nin, hali daandaan nan gbaa Yisa a dataam takpem dan na. Mambu le ti biɛ ke ni ye iyoo joor kaa le.

Tibɔkpiirkaan 1:3

Wan karin ilinlen leen yan be kugbɔŋ nan a poolin ke tikaar be udaan bu, le ban mu gbir tibɔr nmɔn ki ta ŋa bi sufu ni ke tikaar be bi bu, nan bu-n iyoo mala.

Tibɔkpiirkaan 22:10

Le u beim ke, “Laa ta tiwann tabin wann ki tabin ilinlen leen a mɔboi yan be kugbɔŋ nan yaan bu, nan bu-n iyoo mala.

Tibɔkpiirkaan 22:12

“Ni lig! N chaan le daandaan nan! N nyɔɔr be n ban, le n li ta sei uninfo biɛn nin waah tun nan.

Tibɔkpiirkaan 22:20

Wan jin ni niɛ nan biɛn a siɛra len ke, “Nn, n chaan le daandaan nan.” Ibamɔn. Dan, Uyudaan Yisa.