Rom Yaab 12:8 - UWONBƆR A GBƆNPƆŊ LIKƆƆNL

⁸ ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

Uwumbɔr aagbaŋ

⁸ Uken yaa ŋmaa pɔɔni binib aataakpab kan, u pɔɔk bitaakpab. Uken mu yaa ŋmaa tii bigiim kan, u li tii bi ki li kpa tibulchinn. Uken mu yaa ye Yesu aanib aaninkpel kan, utafal li bi bi ponn ni. Uken mu yaa ter binib baamukl ni kan, u li ter bi ki li kpa mpopiin.

Rom Yaab 12:8 ပူးပေါင်းရင်းမြစ်များ

Matiu 25:40

“Le ubɔrin mu na li jiin ke, ‘N bei ni ibamɔn le, naah nan tun man ki tenn n nabum ban waarin, ni nan ye min le ni nan tun ki tenn.’

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 13:12

Ubɔr uyudaan nin kaah kan nan tun nin, le u ŋa yada, nan bu-n waah nan kan ntinnim man nyan Uyudaan ban nin le ni ŋa u ligaril.

Lituln 13:15

Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 20:2

U nan chonn ntim man be niin nmɔn le, ki wɔɔn biwonjiɛm ban be niin nmɔn Uwonbɔr a bɔr takpem, ki pɔɔg bi sufu, ni joorimin le u tan foo Giresi,

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 4:36

Uja uba nan be niin le u yinl ye Josef, u nan ye Liifai yaab a bol a ninfou le, wan wee bi ma u Saipuru a tiŋin nan, itoon nin yi u ke Banabasi (ni taai ye pɔɔninba daan a bija),

Rom Yaab 12:13

Ni li por naah jɔɔ nan ki tenn Uwonbɔr a ninfob ban ye bilanjiimin na. Ki li ŋaan bininfob tiŋann na.

Rom Yaab 13:6

Ni niɛ nan bu le ni yɔ lampo, ni ma bu ban ŋmag tininkper a pɔɔm ye Uwonbɔr a toon tum le, ban ta bi saŋi biɛn sei tininkper a pɔɔm a siimin a ŋmagim.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 14:3

Amaa wan pag ilinlen leen ke u pag tenn bininfob le npɔɔn, ki pɔɔgir bi gbanann nin ibalin.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 11:3

Amaa nlam yugir nim bu, nan bu-n n nyi bininfob kaah li dan ki nan lar ni ki ŋmarin ni potiɛri, ki ke ni laa ji nɔɔ Yisa nbamɔmi, a li ke uwaa kaah nan lar Iif man nin.

2 Korenti 8:12

Ni ye a sei Uwonbɔr nin nbam ke, Uwonbɔr li gaa ipiin nmɔn ŋaah jɔɔ nan, kaa ye ŋaah kaa jɔɔ nan ni.

2 Korenti 9:11

Ni li ŋa biwandam niwann biɛn ni, wee ki li pu kulaguŋin iyoo biɛn, tim bu ni piini nmɔn li kpann kupag ki tenn Uwonbɔr.

2 Korenti 9:13

Naah ter bi nbu, ni ma wɔɔn naah ye ban, bininfob li pag Uwonbɔr nin limɔcheel lan wee ni jɔɔ ki kpenn ni binbem ki sei Masiya u bɔŋann nbu-n, nin naah por ipiin ni ki sei bi nin bininfob biɛn man.

2 Korenti 9:7

Uninfo biɛn n pu u piini waah tiɛr man u sufu ni, ki laa pu nin npoobiin ni, bee uba n mug wi, nan bu-n Uwonbɔr ban wan pu ipiin nin npopeen le.

Efesusi 6:5

Biyom, ni li jɔɔ limɔcheel nin jilima ki tenn ni dulinya a yudam ki li san bi bijawaam, ki li tun itoon ki tenn bi nin ni sufu biɛn, ke naah bi li jɔɔ limɔcheel ki tenn Masiya man nin.

Kolosiya 3:22

Biyom, ni li cheel ni dulinya nan a yudam a mɔɔŋi niwann biɛn na, ni li tun man wee ni laa ye iyoo yan a binba wee bi lig ni, ke bi num ngbee ni, amaa wee ki li tun man nin ni sufu biɛn nin jilima ki tenn Uyudaan na.

1 Tesalonika 2:3

Taah bei ni tibɔr tan nan kaa ye kuŋmaruŋi, kaa ji ye ti jɔɔ lipotiɛbiril liba le, kaa ye kularug mu.

1 Tesalonika 2:8

Taah jiɛ nim takpemin bu le che ti nan mɔɔn Uwonbɔr a bɔŋann nin ki sei ni, naa ye tibɔŋann nin a binba amaa ki ban ti junn ti miɛfol ni bu taah ban nim takpem n bu.

1 Timoti 4:13

Hali nin maah na li dan n-yonn man, a li jɔɔ isaŋ ki karin Uwonbɔr a bɔr nmɔn ki tenn bininfoba, wee ki li mɔɔn ti ki li jɔɔ ti wɔɔn ba.

1 Timoti 5:17

Bininkpeeb ban wɔɔnn biwonjiɛm a toon nbamɔmin kpaan nin bin kan jilima nkerim milee, naah jann tɔɔ ban bu le ye ban a toonl ye bi li mɔɔn ti ki wɔɔn nin.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Hiibru Yaab 10:25

Ni laa che ti ta tab ban a lagim ki jiɛn ni, a li ke bibam kaah ŋaan man nin ni, amaa ni che ti li mann pɔɔg tab a gbanann, a li ke naah kan Uyudaan a dan daalin kaah fɔɔr maligin man nin.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:22

N nabum, n balin ni le ke, ni li jɔɔ limɔril wee ki gaa n kpaan nan a bɔra, nan bu-n tibɔr wama le n ta sɔb kugbɔŋ nan ki sei ni.

Hiibru Yaab 13:24

Ni poor ni sanliib nin Uwonbɔr a ninfobin nan. Itali yaab poor ni.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.