Rom Yaab 12:6 - UWONBƆR A GBƆNPƆŊ LIKƆƆNL

⁶ Ti jɔɔ ipiin balbal le, ke Uwonbɔr kaah sei ti U nyunyunbasanl lan nin. Ni ye wan a piin ye ilinlen leen a pagim ke, che un ta tun u yada kaah kpaan man.

Uwumbɔr aagbaŋ

⁶ Uwumbɔr tii timi Waafuur Nyaan aapiin ibaabaa ke i cha ti tun waatuln libaabaa na. Waah tii timi pu na, cha ti tun kina man. Unii aapiin yaa ye ke u nabr Uwumbɔr aah len pu na kan, u len iliin ngbaan waah ŋa naadii pu na.

Rom Yaab 12:6 ပူးပေါင်းရင်းမြစ်များ

Matiu 23:34

Mambu n li tun bilinlem nin bilandam nin ban wɔɔnn ni ban, amaa ni na li ku bibam ki kpaa bi tɔ ki boo bibam mu tiwonjiɛndirin, le ki ji ŋɔɔ bi taai ki nya kitiŋ kiba ki jo ki tɔ ni.

Matiu 25:22

“Le wan mu nan gaa milee-n kɔɔ u yudaau ban, ki bei u ke, ‘N yudaau, lig, a nan seim salima a bɔɔlim milee le, amaa le n ta kpeŋ ki kan milee tinyɔɔr ki kpiɛ.’

Tibɔnyaan ti Luk ŋmee ti na 11:49

Mambu le Uwonbɔr nin U lamgɔrikaam bei ke, “N li tun n linlem nin n tooi bi ban, bi li ku bi bam le ki mugir bitab.’

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 2:17

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Lituln 21:9

U nan jɔɔ nbisiɛm mina le ke maa la kun bijabi, le bi pag ilinlen leen.

Rom Yaab 1:11

N ban n kan ni le wee ki ta kinaaŋin a piini ibam ki sei ni wee yin sei ni npɔɔn,

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

1 Korenti 12:18

Amaa Uwonbɔr lagin igbanann bɔg nmɔn biɛn nba le waah ban ti man.

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 14:1

Ni li nɔɔ njiɛm ki sin li ban Kinaaŋ a piini, ni nunman li ye ilinlen leen a piin.

1 Korenti 14:24

Amaa ni ye biwonjiɛm lagin tab ki pag ilinlen leen wee wan kaa ŋa yada bee wan kaa biɛ ni taai kɔɔn ki gbir ke, u li ji uba tibɔr ni biɛn bu ke u ye tibirdaan le.

1 Korenti 14:29

Bilinlem bilee bee bita li fir pag wee ban gurin mu n dibir nbamɔm ki biɛ tibɔr nmɔn kaa len man.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 7:7

Min bi ban ke uninfo biɛn li be ke maah be man nan le, amaa Uwonbɔr sei uninfo biɛn nin u piini le, uba a piin be iba ki jiɛn utɔyaan.

2 Korenti 8:12

Ni ye a sei Uwonbɔr nin nbam ke, Uwonbɔr li gaa ipiin nmɔn ŋaah jɔɔ nan, kaa ye ŋaah kaa jɔɔ nan ni.

Efesusi 3:5

Uwonbɔr kaa nan kpiir tibɔwoonkaar nmɔn ki wɔɔn n-yonn man nan jon nin a ninfobi, amaa daandaan nan Kinaaŋin kpiir tibɔwoonkaarin ki wɔɔn Uwonbɔr a kasi a tooi nin u linlema.

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,

Filipi 3:15

Tim ban biɛn chegir Uwonbɔr a samin nin li jɔɔ potiɛl liba ti sufu ni. Ni ye ni potiɛi kaa nan chee nan bu ke, Uwonbɔr li che ni biɛ ni taai.

1 Tesalonika 5:20

ni laa yin ilinlen leen yɔli.

2 Piita 1:20

Nan jon ni biɛn, ni kpaa le nin ni biɛ ke ilinlen leen yan sɔb Uwonbɔr a gbɔŋin nin kaa nyan ulinlenn baantɔɔl a kar wɔɔn nin ni.