Rom Yaab 12:16 - UWONBƆR A GBƆNPƆŊ LIKƆƆNL

¹⁶ Ni li be nin tab nin nmɔn na. Ni laa jɔɔ kalanbaani; amaa ni chee ki li be nin bilanjiima. Ni laa wɔɔn ni biɛmi.

Uwumbɔr aagbaŋ

¹⁶ Ni li kpaa kimɔbaan man. Ni li jɔnni bigiim man, ki taa li kpa kalmbaani. Ni taa li dak ke ni kpa nlan sakpen.

Rom Yaab 12:16 ပူးပေါင်းရင်းမြစ်များ

Matiu 11:5

ke ni kan bijɔɔm ligir, le nwɔbim a taai tann le bi choon, le nkɔm a gbanann ŋaŋ, le bitukpaab gbir, le bitakpiib fii nkumin, le tibɔŋann nin nan mɔɔn ki sei bilanjiim.

Matiu 26:11

Bilanjiim man li gbaa be ni ban, amaa min kaa yin gbaa be ni ban ni.

Tibɔnyaan ti Luk ŋmee ti na 14:13

Amaa ni ye a yin yin bininfob tijiir a jim ke, a yim faladam, nin nwɔbim, nin ndiɛm, nin bijɔɔm,

Tibɔnyaan ti Luk ŋmee ti na 6:20

Le Yisa nan lig u bɔɔnɔɔbin ki bei ke: “Tikaar be nim ban ye bilanjiimin bu, nan bu-n Uwonbɔr a naam ye ni yaan le.

Lituln 4:32

Biwonjiɛmin biɛn nan jɔɔ sufu uba nin potiɛl liba le. Bi ni uba kaa nan ŋmag waah jɔɔ nan ke ni ye u binba yaali, amaa bi nan por baah jɔɔ nan nmɔn tenn tab le.

Rom Yaab 11:20

Ni ye ibamɔn le. Baah kaa nan ŋa yada-n bu le Uwonbɔr nan gaa bi par gab, amaa le fin si a yada bu. Laa jɔɔ kalanbaani amaa li san Uwonbɔr.

Rom Yaab 11:25

N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

Rom Yaab 15:5

Uwonbɔr wan tenn limɔril nin ngbananpɔɔn nin un sei ni nmɔkpaa a tinaaŋ wee ni li nɔɔ Masiya,

Rom Yaab 6:2

Naa li fir ye man ni! Tibir bu ke, ti kpou; ke ni yin ŋa nii wee ti gbaa be tibir nmɔn yaan naa?

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

1 Korenti 3:18

Ni laa lar niba. Ni ye uba tiɛr ke u ye ulandaan le dulinya nan yaan ke, un ŋaam u ba “kujɔrug” wee ki fir ŋa ulandaan.

1 Korenti 4:10

Tim ye tijɔri le ki sei Masiya, amaa nim ye bilandam le Masiya ban! Tim ye ndaburim le, amaa nim ye bipɔɔndam le! Ni jɔɔ jilima, amaa tim kaa jɔɔ jilima!

1 Korenti 6:5

N jin ni ifa nin maah len man nmɔn na. Limɔkpel dan nim a sisiigin ke, nim kaa jɔɔ ulandaan wan li fir mann tibɔr nmɔn naa?

1 Korenti 8:2

Wan tug ke u nyi niba ke, u yaadaan kaa la nyi waah bi ye u li nyi man ni.

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 3:16

Ni le yin che ti li be nin taah nan kan nan nin.

Filipi 4:2

N balin Yuwodiɛ le ki balin Sintiche ke, Uyudaan bu bin pɔɔn biba ki li jɔɔ nmɔkpaau.

Hiibru Yaab 13:5

Ni choo niba nin ilig a jiɛma, wee ki che ni num ngbee nan wee ni jɔɔ-n, nan bu-n Uwonbɔr len ke, “Maa li nyi ki jiɛn ni; maa li nyi ki yii ni.”

1 Piita 3:8

Nan joor, ni biɛn li jɔɔ nmɔkpaau wee ni baga li be tabin na; ni li jogir taba, ki li jiɛ tab ke nnabumin, ki li san tab kunyunyunbaag nin jiininba.

1 Piita 5:3

ki laa ta ni mug ban wee Uwonbɔr ta bi ŋa a nɔɔn nin ni, amaa che fin le li ye limagil ki sei ipee nmɔn.

3 Jɔnn 1:9

N nan sɔb sei biwonjiɛm a laguŋin na, amaa Diyotirifisi, wan ban u li ye usanliirin, kaa chee un gbir sei ti.