Rom Yaab 12:13 - UWONBƆR A GBƆNPƆŊ LIKƆƆNL

¹³ Ni li por naah jɔɔ nan ki tenn Uwonbɔr a ninfob ban ye bilanjiimin na. Ki li ŋaan bininfob tiŋann na.

Uwumbɔr aagbaŋ

¹³ ki yakr nimi aawan tii Uwumbɔr aanib bi lann ni na, ki chann bicham tichann.

Rom Yaab 12:13 ပူးပေါင်းရင်းမြစ်များ

Matiu 25:35

Nan bu-n nkom nan jɔɔm le ni seim tijiir, le nnyunyum jɔɔm le ni seim nnyum. N nan ye uchaan, le ni gaam ki ŋaam kuchɔŋ ni niin ni.

Lituln 10:4

Kɔnelu kaah kan malaka nmɔn nin, le bijawaam choo u, le u baan u ke, “Uyudaan baa yen naa?” Le malaka nmɔn jiin ke, “A miɛm nin a teril lan wee a jɔɔ ter bilanjiimin ye litiɛril a piin le Uwonbɔr ban.

Lituln 4:35

ki nan sei itoon nin, le bin por ki sei uninfo biɛn nin waah kpaan un gaa man.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

1 Korenti 16:15

Ni nyi Sitefanasi nin u niin yaab le nan ye chinchinn a ninfob ban kpenn bi binbem ki ŋa biwonjiɛm Akaya a tiŋin, bi ta biba le ki sei itoon nin ki tun ki tenn Uwonbɔr a ninfob. N nabum, n balin ni le,

2 Korenti 9:1

Naa kpaa talar nin n sɔb kugbɔŋ ki bei ni naah li tun ki tenn biwonjiɛm man ni.

2 Korenti 9:12

Litoonl lan wee ni tun nan kaa pa ye nan tenn biwonjiɛm baah ban nan le, amaa nitɔɔl che Uwonbɔr ga npagim le takpem.

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

Taitus 1:8

Amaa ni kpaa talar le nin u li gaan bicham, ki li ye wan ban nan ŋan, ki li ye wan fir chor u ba, ki li ye wan jɔɔ lasaab, ki li be kasi nin uba a ŋmagimin.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Filemonn 1:7

A jiɛm nmɔn seim nmɔn le takpem nin ngbananpɔɔn, nan bu-n fin n nabig, a pɔŋ Uwonbɔr a ninfogannkaab a sufuu.

Hiibru Yaab 13:16

Ni laa tam itoon ŋan a tumi, ki li por tab naah jɔɔ nan na, man a manug le Uwonbɔr a num gbee.

Hiibru Yaab 13:2

Ni laa tami wee ki li gaan bichama, nan bu-n ni ŋaan man ke, bibam gaan malakam le kaa nyi.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

1 Piita 4:9

Ni li gaan tab kuchɔŋa ki laa ŋulin tab bu.

1 Jɔnn 3:17

Ni ye uba jɔɔ dulinya nan a faal wee ki kan u nabig wan ban literil, amaa wee kaa jogir u ke, Uwonbɔr a jiɛm yin ŋa nii ki be udaan ban naa?

3 Jɔnn 1:5

N nabig, a jɔɔ yada nin ŋaah tun nan ki tenn nnabumin, hali nin baah le ye bicham a ban nin na.