Rom Yaab 12:12 - UWONBƆR A GBƆNPƆŊ LIKƆƆNL

¹² Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Uwumbɔr aagbaŋ

¹² ki li kpa mpopiin nimi aamakl pu, ki li kpa limɔr falaa ponn ni, ki li mee Uwumbɔr n‑yoonn mɔmɔk,

Rom Yaab 12:12 ပူးပေါင်းရင်းမြစ်များ

Matiu 5:12

Che ni pool li sɔɔ ke ni mɔ na, ke ni nyɔɔr na li yab paab, nan bu-n man le bi pii nan mugir bilinlem baah kaa la nan ma ni-n.

Tibɔnyaan ti Luk ŋmee ti na 10:20

Amaa ni laa che ni mɔ ni nnaanbiim kaah chee ni mɔbin a binba bu, ni che ni li mɔ na ni yin kaah sɔb dɔ Uwonbɔr a niin nin bu.”

Tibɔnyaan ti Luk ŋmee ti na 21:19

Ni si kenken ke ni li kan limiɛfol.

Tibɔnyaan ti Luk ŋmee ti na 8:15

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Lituln 1:14

Bi biɛn nan ti lagin tab le nin bipiib biba nin Yisa a na Meri, nin Yisa a watiib, ki miɛ Uwonbɔr nin potiɛl liba kaa peri.

Lituln 12:5

Piita kaah nan be kuloondiigin nin, amaa le biwonjiɛm a laguŋ mu nan miɛ Uwonbɔr linunmanl ki tenn u.

Lituln 2:42

Le bi nan ta bi saŋi ki tinn itoon nmɔn a wɔɔm ki jɔɔ nɔɔ nin tab, ki lagin ji tijiir, ki lagin tab ki miɛ Uwonbɔr.

Lituln 6:4

wee tim nta ti tɔɔl a saŋi ki ŋa liwonmiɛlin, nin Uwonbɔr a bɔrin a wɔɔnimin.”

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 15:4

Nan biɛn wee bi nan sɔb bil n-yonn man nan jon nin bi nan sɔb bil ti yaa wɔɔnim bu le, wee ti li jɔɔ limɔril nin ngbananpɔɔn nin tama imɔleen nin bu.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 8:25

Amaa ni ye ti jɔɔ tama taah kaa la jɔɔ tiwann tan nin bu ke, ti jɔɔ limɔril le ki guu ti.

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

2 Korenti 12:8

N balin Uyudaan nfim mitaa ke un nyan nkunkon nmɔn n ban na.

Filipi 3:1

Ni joorimin n nabum, ni che ni li mɔ ni Uyudaan buu! Naa ye tibɔr mugkaar ki seim nin n ji sɔb maah nan sɔb nan sei ni-n jigin ni, ni ma yin guu ni.

Filipi 4:4

Ni che ni li mɔ ni naah be Uyudaan nin iyoo biɛn na. N ji yin mann bei ni le ke: Ni che ni li mɔ na!

Kolosiya 1:11

Uma Uwonbɔr wan jɔɔ ipɔɔn biɛn nan n pɔɔg ni gbanann, U pag takpoŋin bu wee ni li jɔɔ pɔɔninba nin limɔril nin nmɔn,

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

Kolosiya 4:2

Ni li ta ni ba ki sei liwonmiɛl, ki li guu ni ba ki tenn Uwonbɔr kunɔɔpooga.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.

2 Tesalonika 1:4

Ni ma bu Uwonbɔr a ninfob a laginn nan a sisiigin, ti far ligbingbanl le ni bu nin naah jɔɔ limɔril nin yada limugil nin libiginl biɛn a poolin wee ni la biɛ nin jɔɔ yada n bu.

2 Tesalonika 3:5

Uyudaan n che ni biɛ Uwonbɔr a jiɛm nin limɔril lan nyan Masiya ban nin.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

2 Timoti 3:10

Amaa fin Timoti, a nyi n wɔɔnimin kaah ye man, nin n binbem, nin n lol, nin n yada, nin n mɔril, nin n bam nin maah pɔɔn nba man,

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

Hiibru Yaab 10:32

Ni tiɛr iyoo yan nan chinn nin, wee ni nan gaa nwonween nin a bɔɔn bu, wee ni nan ye fala a jim nin linunmanlin, amaa naa nan nyaŋ ni.

Hiibru Yaab 10:36

Ni ŋan nin ni li jɔɔ limɔril wee ni nan fir tun Uwonbɔr a bam ke, ni li kan nan wee U nan siin limɔsiinl ke U li sei nin.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

Hiibru Yaab 6:12

Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

Hiibru Yaab 6:15

Abiraham kaah nan jɔɔ limɔril ki guurin, ni bɔɔn bu le u nan kan nan wee Uwonbɔr nan siin limɔsiinlin.

Jemisi 5:7

Mambu n nabum, ni mɔra, hali ki nan kpaa ti Yudaau a jirim. Ni lig ukpaar kaah jɔɔ limɔril man ki guu u kpaab kaah na li ŋa tijiir, naah yuur unalantaal a yonn ki nan kpaa utakotaal a yoo.

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

2 Piita 1:6

ki ta choonba ki kpiɛ nbiɛn nin; ki ta nnyiginim ki kpiɛ choonba-n, ki ta nwonjiɛn binben ki kpiɛ nnyiginimin;

Tibɔkpiirkaan 13:10

Wan ye bin nan choo u tiyomir ke, see ki bi nan choo u tiyomir wan ye bi nan ta takoobi ki ku u ke, takoobi nmɔn le bi yin ta ki ku u. Mambu ni ŋan nin Uwonbɔr a ninfogannkaab li jɔɔ limɔril nin nyiginim ki ŋa Uwonbɔr yada nin ibamɔn.