Rom Yaab 12:1 - UWONBƆR A GBƆNPƆŊ LIKƆƆNL

¹ Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Uwumbɔr aagbaŋ

¹ Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 12:1 ပူးပေါင်းရင်းမြစ်များ

Tibɔnyaan ti Luk ŋmee ti na 7:47

Mambu N beiŋ le, n jiɛn u toonbir takpem ki per wa, ni ma bu li che u bam man takpem. Amaa wan wee n jiɛn u toonbir wama ki per u nan, u mu jiɛm wama le.”

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 15:30

N nabum, n balin ni le, ti Yudaau Yisa Masiya nin Kinaaŋin a jiɛm bu, ni kpiɛ n bu n gbaalin ki miɛ Uwonbɔr sei ma.

Rom Yaab 2:4

Bee a ziɛn Uwonbɔr a binben ŋamin a yabim nin U chee sei nin U mɔril nlee, kaa nyi ke Uwonbɔr kaah jɔɔ nbinben ŋan man nin ban a kpenn a binbem lee?

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 6:16

Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

Rom Yaab 9:23

Ke ni ye U ŋa man ki ban bin biɛ U pag takpeŋ kan wee U ta ŋa bi ni-n, ban wee U nan chinn ŋa bi sili ki guun kupag nmɔn nin,

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

2 Korenti 10:1

Min Pɔɔl wan jɔɔ jiininba nin nbinben ŋan Masiya ban ni, le tenn ni bimɔb nan, min wan wee ni ke n be ni ban ke n san bijawaamin amaa wee n nyan ngbaan ke n jɔɔ lipoobilin!

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

2 Korenti 4:16

Mambu che naa gbɔɔ ti gbanann ni. Hali ti gbanann kaah le bagirin gbaa, amaa ti naaŋin ma mann pɔŋir le iween biɛn.

2 Korenti 5:20

Mambu ti ye ban si Masiya a taalin le, le Uwonbɔr be nin ti ki che ti yi bininfob. Yisa bu le ti balin ni: Ni jir ki mɔŋ nin Uwonbɔr a.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Efesusi 4:1

Min wan ye uloondiikɔɔr Uyudaan a toon yin bu-n, n balin ni le ke ni che ni binbem nkpaan ni yim man wee ni nan ga-n.

Efesusi 5:10

ni baan ki biɛ nan gbee Uyudaan a num.

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 4:10

Le ni ye ibamɔn le, ni sin ban n nabum man biɛn be Masedoniya a tiŋin nin. Jigin ti balin ni le ke ni mann tun man takpema.

1 Tesalonika 5:12

N nabum, ti balin ni le, ni li tenn ban pɔɔn biba ni sisiigin ki ye ni sanliib Uyudaan a samin ki wɔɔn ni nwonjiɛn binben nin jilimau.

1 Timoti 2:3

Ni niɛ le ŋan, ki gbee Uwonbɔr wan fee ti gabin a num,

1 Timoti 5:4

Amaa lipukɔɔl lan jɔɔ nbuwaab bee iyaabil ke, nbuwaab nin iyaabili nmɔn le ye bin chinn tinn biwonjiɛnl a sam ki li jɔɔ tun ki lig bi niin yaab, bi ŋa man ke bi li yɔ ki jiin bi baam nin bi yaajam kaah nan tun nan ki sei bin, Uwonbɔr a num kaah gbeeg nan le yen.

Filemonn 1:10

n baliŋ le, n bija Onesemosi bu, wan kpann n bija, n-yonn man wee bi nan lolim tikulorin.

Filemonn 1:9

amaa n baliŋ le njiɛm bu. Min Pɔɔl, wan ye uninkpel wee daandaan nan ki ye uloondiikɔɔr Yisa Masiya bu-n,

Hiibru Yaab 13:22

N nabum, n balin ni le ke, ni li jɔɔ limɔril wee ki gaa n kpaan nan a bɔra, nan bu-n tibɔr wama le n ta sɔb kugbɔŋ nan ki sei ni.

1 Piita 2:20

Amaa a ŋa tibir wee bi booŋ a toonbir nmɔn bu wee a jin fala ke, baa nyɔɔr wee a kan naa? Amaa ni ye a jin fala itoon ŋan bu ki jɔɔ limɔril ke, ni ma le a li kan npagim Uwonbɔr ban.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.