Rom Yaab 11:29 - UWONBƆR A GBƆNPƆŊ LIKƆƆNL

²⁹ Uwonbɔr a piin a seim nin U yim kaa kpenn ni.

Uwumbɔr aagbaŋ

²⁹ Uwumbɔr yaa lee binib ki ŋa tinyoor ŋa bi pu kan, waan kpeln waalandak.

Rom Yaab 11:29 ပူးပေါင်းရင်းမြစ်များ

Rom Yaab 11:30

A li ke nim ban kaa la nan chee Uwonbɔr a mɔb isaŋ iba wee Uwonbɔr nan san ni kunyunyunbaag Iziral yaab a mɔyiilin bu-n,

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

Rom Yaab 8:30

Ban wee Uwonbɔr bon bi bu-n, bi ma le u yin; ban wee U yin nmɔn, bi ma le U ke bi bɔr ŋan; ban wee U ke bi bɔr ŋan nin nmɔn, bi ma le u ji che bi kan kupag.

1 Korenti 1:26

N nabum, ni li tiɛr naah nan ye ban, n-yonn man wee Uwonbɔr nan yin ni. Ni takpem kaa nan ye ban jɔɔ nlam tininforin nin; takpem mu kaa nan ye jilima a ninfobi; le ni takpem mu kaa nan ye nnaam a ninfobi.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 4:1

Min wan ye uloondiikɔɔr Uyudaan a toon yin bu-n, n balin ni le ke ni che ni binbem nkpaan ni yim man wee ni nan ga-n.

Efesusi 4:4

Tigbanann tiba nin Kinaaŋ kiba le be, ke baah nan yin ni tama kiba bu a yim man nin,

Filipi 3:14

n jɔɔ inunman le ki gu chaa n num kaah paa nan bu-n ban ke n tan pii tiyɔr tan bu wee Uwonbɔr yim papaab Masiya bu-n.

2 Tesalonika 1:11

Naah be ti sufu-n nin bu, le ti miɛ Uwonbɔr ki tenn ni iyoo biɛn, ke ti Wonbɔru n ŋa ni bininfob ŋam ke waah yin ni ki ban ni li be man nin, ki che naah tiɛr nan biɛn n ŋa n ŋam ki sei ni u yaa pɔɔm bu, ki che ni gbaar ni yada a toonlin.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 7:21

amaa Yisa nan ŋa biminmanib a yudaau nin tipoorin le, n-yonn man wee Uwonbɔr nan bei u ke, “Uyudaan poo tipoora le kaa yin kpenn U potiɛli ‘A ye uminmann wan a toon kaa jɔɔ diɛm le.’”

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,