Rom Yaab 11:25 - UWONBƆR A GBƆNPƆŊ LIKƆƆNL

²⁵ N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

Uwumbɔr aagbaŋ

²⁵ Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Rom Yaab 11:25 ပူးပေါင်းရင်းမြစ်များ

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Tibɔnyaan ti Luk ŋmee ti na 21:24

Bi na li ta takoobi ki ku biba, ki li choo bibam mu ki ŋa tiloondirin ntim biɛn ni. Le bininfob ban kaa ye Juu yaab nan li do taa Jerusalam bu hali nin ban kaa ye Juu yaab a yonn kaah na li ŋa ibamɔn.

Jɔnn 10:16

N jɔɔ ipee iba yaa ye likpinkpenl nan a peei. Ni kpaa le n taan itɔɔl ni. I mu li pel n kukɔl, wee i nlabir ipee iba yan nɔɔ tab ki jɔɔ upeekpaar uba.

Rom Yaab 1:13

N nabum, maa ban ni laa nyi ke iyoo takpem n lolig le ke n dan ni ban (amaa le tibɔr kɔɔ le maa li fir ŋa man ni ki nan kpaa daandaan nan) naah li ŋa man wee n fir ki kan bininfob takpem ni sisiigin, ke maah pii kan man ban kaa ye Juu yaabin a sisiigin biba-n.

Rom Yaab 11:12

Amaa ni ye bi burim nmɔn bu le dulinya yaab kan njɔɔm, le baah lann nan nin che ban kaa ye Juu yaabin kan njɔɔm ke, man ke Juu yaab mu nan jiɛn bi bir ki kan nŋmarim ke, dulinya nan yaab li kan njɔɔm nin jo man.

Rom Yaab 11:24

Ni biɛn nan a bɔɔn, ni ye Uwonbɔr nan bi gaa fin wan ye kulɔŋ a olif wee ki ji gaa bukpaab a olif ki ta tugin tab ke, li nyi ke naa pɔɔ sei U nin Un gaa bukpasib a bon ki ji jiin mi tugin mi tɔɔl a sib bu!

Rom Yaab 12:16

Ni li be nin tab nin nmɔn na. Ni laa jɔɔ kalanbaani; amaa ni chee ki li be nin bilanjiima. Ni laa wɔɔn ni biɛmi.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

Rom Yaab 9:18

Mambu Uwonbɔr san ban wee U ban Un san kunyunyunbaag nle kunyunyunbaag, ki mann pɔɔg ban a tuli pɔɔ-n a tuli.

1 Korenti 10:1

N nabum maa ban ni laa nyi ibamɔn nni, ke ti yaajam biɛn nan lagin be kitilangbɔŋ a lɔŋin le, ki lagin don limɔgil.

1 Korenti 12:1

Daandaan nan n nabum ki jiin kasi a Naaŋ a piini paam maa ban ni li be kaa nyi.

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Efesusi 3:9

ki che uninfo biɛn n mann biɛ Uwonbɔr a bɔwoonkaarin a toon kaah ye man, wee Uwonbɔr, wan nan naan niwann biɛn nin, nan ŋmag ti liwoolin n-yonn man nan jon nin.

Efesusi 4:18

Bi biɛm ye libunbɔnl le, le baa kpiɛ Uwonbɔr kaah sei limiɛfol lan nin yaan ni, nan bu-n baa nyi niba le ki sin ji ye tukangbirdam.

2 Piita 3:8

Amaa ni laa tam ni niɛ nan bu, n jɔtiib: Ti Yudaau ban, lidaal liba nann ibin turil le, ibin turil mu nann weemba le.

Tibɔkpiirkaan 1:20

Ŋaah kan iŋmabil ilile yan n nɔɔjiim paamin nin salima a filaam a tutɔɔnbol ilile liwoolin nin a taai ye nan le: Iŋmabil ilile-n ye biwonjiɛm a laginn tilile-n a malakam le, le salima a filaam a tutɔɔnbol ilile-n mu ye biwonjiɛm a laginn tilile-n.

Tibɔkpiirkaan 10:7

Amaa idaa yan wee malaka wan kpiɛ bilile-n na yin pee u naatuŋ ke, Uwonbɔr a wool a bɔr li gbee, a li ke waah nan bei u toontum bilinlemin man nin.”

Tibɔkpiirkaan 11:15

Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 7:9

Ni bɔɔn bu le n lig ki kan kuninfogbaluŋ n nintogil ban wee uba kaa li fir kan bi kanli, bi nan nyan ininfobool, nin imaal, nin bininfob, nin ileen biɛn nin le, ki si kunaangbɔŋin ban Kipeebigin a nintogil. Bi nan yee tiwanpenn le ki ŋmag tikpikpagbann bi nɔɔn.