Rom Yaab 11:22 - UWONBƆR A GBƆNPƆŊ LIKƆƆNL

²² Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

Uwumbɔr aagbaŋ

²² Ni kan Uwumbɔr aah ŋan pu na, ki kan waah dar binib aatafal pu na. U dar binib bi kaa kii tii u na aatafal la, le ki ŋa nimi tiŋann. Ni yaa beenin dii u kan, u ga li beenin ŋani nimi tiŋann. Ni yaa kaa beenin dii u kan, u ga di ni mu lii la.

Rom Yaab 11:22 ပူးပေါင်းရင်းမြစ်များ

Tibɔnyaan ti Luk ŋmee ti na 8:15

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Jɔnn 15:2

U gaar ibon yan biɛn be nni wee kaa lo iloon nin le ki jaar, le ki mann gbar ibon yan biɛn lo iloon nin wee yin mann lo iloon.

Jɔnn 8:31

Le Yisa nan bei Juu yaab ban nan ŋa u yada-n ke, “Ni ye ke ni ŋmag maah wɔɔn man nin ke, ni sin ye n bɔɔnɔɔb le.

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 11:21

Ni bu ni ye Uwonbɔr kaa nan jaa isiig a bon ke waa yin jaa a mu.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 15:2

Tibɔŋann nan bu ni ŋmara, ni ye ni ŋmag tibɔr tan wee n nan mɔɔn sei ni nbamɔm ke. Naa ye man ke ni yada li gab yɔli.

Galantiya 6:9

Mambu ni laa che ti bag itoon ŋan a tum bu, ni ye taa jiɛn itoon ŋan a tum ke ti na li kan tinyɔɔr n-yonn man chaan nan.

1 Tesalonika 3:5

Ni ma bu ni che maah kaa ji nan na li fir ŋmag n ba-n, le n nan tun ke bin nan lig ni yada kaah si man. N nan san bijawaam le ke, nba ke ulinlaril n par lar ni wee ti yaa baginn n gab yɔli.

1 Tesalonika 3:8

Daandaan nan, naah si nbamɔm Uyudaan a samin nan man, ti sin fo.

Hiibru Yaab 10:23

Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

Tibɔkpiirkaan 2:5

Ni tiɛrim naah nan nyan nan fɔg man wee ki nan lunn! Ni kpenn ni binbema wee ki li tun ke naah nan tun man chinchinn nin na. Ni ye naa kpenn ke, n li dan ki nan yuur ni salima a filaam a tutɔɔnbolin kisisibol.