Rom Yaab 10:16 - UWONBƆR A GBƆNPƆŊ LIKƆƆNL

¹⁶ Amaa naa ye bi biɛn le chee sei tibɔŋann nmɔn ni. Ni ma bu le Azaya len ke, “Uyudaan, ŋma ŋa ti mɔleen nan yadaa?”

Uwumbɔr aagbaŋ

¹⁶ Tɔ, naa ye binib mɔmɔk le kii tii tibɔnyaan ngbaan. Uwumbɔr aabɔnabr Aisaya nan baa ke, “Uwumbɔr, ŋma pak taah len pu na?”

Rom Yaab 10:16 ပူးပေါင်းရင်းမြစ်များ

Matiu 13:14

Bi ŋaar nmɔn sin nan gbeen ulinlenn Azaya kaah nan len ke: ‘Ni le yin gbaa gbir le amaa le kaa biɛri; Ni le yin ga le amaa le kaa yin biɛr ni taai.

Jɔnn 10:26

amaa naah kaa ye n pee yin bu le naa ŋa yada.

Lituln 28:24

Biba a potiɛl nan kpenn u bɔr nmɔn buu, amaa biba mu kaa nan ŋa ti yada.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 11:17

Ni ye Uwonbɔr gaa kisiig nmɔn a bon iba par ke, wee nim ban ye olif a siigin yan pan itɔɔl wee bi gaa isiig iba ki nan tugin ni wee ni nyu ni pɔɔm nya olif a siigin yaan nin,

Rom Yaab 16:26

amaa daandaan nan ti kpiir ki dɔ npaan nin le, ilinlen leen a sɔbimin yaan, le Uwonbɔr wan kaa jɔɔ diɛm nan a siimin bu, wee ibol biɛn nŋa U yada ki chee U mɔb,

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

Rom Yaab 3:3

Ni ye bi ni bibam kaa si bogiliba ke, bi kaa si bogiliba nmɔn li fir bii Uwonbɔr mu wee U laa si bogilibaa?

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 5:7

Ni nan ti tun nbamɔm le. Ke ŋma ŋɔɔr ni ke ni laa ji nɔɔ ibamɔn nmɔn naa?

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 4:2

Ti mu gbir tibɔŋann nmɔn ke baah nan gbir ti man nin le; amaa baah nan gbir tibɔŋann nmɔn taa nan jɔɔ tinyɔɔr ki sei bi, nan bu-n baa nan ta tibɔŋann nmɔn ki kpiɛ bi yada ni.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.

1 Piita 3:1

Nim biniinpiib, man mu le ye ni, ni li cheel ni chiɛb a mɔɔŋi ya, ni ye bi ni uba kaa ŋa Uwonbɔr a bɔr yada ke, ni binbem bu bi li ŋa yada, ke naa kpaa talar nin ni pag niba gbaa,