Rom Yaab 1:7 - UWONBƆR A GBƆNPƆŊ LIKƆƆNL

⁷ N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Uwumbɔr aagbaŋ

⁷ Nima le m ŋmee kigbaŋ kee m tii nimi bimɔk bi Rom aatiŋ ni na. Uwumbɔr gee nimi ki yin nimi ke ni li ye waanib. Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Rom Yaab 1:7 ပူးပေါင်းရင်းမြစ်များ

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Lituln 15:23

Le bi nan sɔb kugbɔŋ nan ki tun bi: Yisa a tooi nin biwonjiɛm a sanliib nin ban ye ni nabum le sɔb kugbɔŋ nan, Ki tenn nim yadadam ban kaa ye Juu yaab wee ki be Antiɛg nin Siriya nin Silisiya: Ti poor ni.

Lituln 9:13

Le Ananiɛsi jiin ke, “Uyudaan, bininfob takpem le pag uja nmɔn bu, ki jiin niwann nan biɛn wee u tun ki jin a tɔɔl a ninfob fala Jerusalam man.”

Rom Yaab 1:6

Le ni mu kpiɛ ban wee Yisa Masiya yin bin a kanlin na.

Rom Yaab 5:1

Mambu, ti yada kan che ti ŋa bininfoŋam Uwonbɔr ban nin, li che ti be Uwonbɔr ban nin nposɔɔn ti yudaau Yisa Masiya bu,

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

Rom Yaab 8:39

kaa ye nkpikper bee nnyunyɔɔni, kaa ye tiwann yɔɔr tan be tiwann naan wann nin biɛn ni, ni ba kaa be ki li fir bɔgir ti nyan Uwonbɔr a jiɛm man be ti Yudaau Masiya ni-n yaan ni.

Rom Yaab 9:25

A li ke waah len man Hozaya a gbɔŋin nin: “N li yin ban kaa ye n ninfobin ke, ‘n ninfob;’ le ki yin maah kaa jiɛ libol lan nin ‘Maah jiɛ libol lan,”

1 Korenti 1:24

Amaa ban wee Uwonbɔr yin bin, Juu yaab nin Girig yaabin, bi ma nyi Masiya kaah ye Uwonbɔr a pɔɔm nin u lam.

1 Korenti 16:23

Ti yudaau Yisa a nyunyunbasanl li be ni bu.

2 Korenti 13:14

Ti yudaau Yisa Masiya a nyunyunbasanl nin Uwonbɔr a bam, nin Kasi a Naaŋ a mɔkpaam li be ni biɛn ban.

Galantiya 6:18

N nabum, ti Yudaau Yisa a nyunyunbasanl li be nin ni naam. Ibamɔn.

Efesusi 1:2

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Efesusi 6:23

Ti Baa Uwonbɔr nin ti Yudaau Yisa Masiya a posɔɔm, nin u jiɛm, nin yada li be ti nabumin biɛn bu.

Filipi 1:2

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Filipi 4:13

N li fir tun niwann biɛn Masiya kaah seim ngbananpɔɔn man nin bu.

Filipi 4:20

Ti Baa Uwonbɔr n gaam kupag n-yonn nin n-yonn. Ibamɔn.

Filipi 4:23

Uyudaan Yisa Masiya a nyunyunbasanl li be ni naamin. Ibamɔn.

Kolosiya 1:2

Le sɔb kugbɔŋ nan ki tenn nim ban ye ti nabum ban be kasi ki si bogil liba Masiya ni Kolosiya a tiŋin ni. Ti Baa Uwonbɔr a nyunyunbasanl nin u posɔɔm li be nin ni.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.

1 Tesalonika 1:1

Min Pɔɔl nin Silasi nin Timoti; Le sɔb kugbɔŋ nan ki tenn Tesalonika a wonjiɛm a laguŋ kan wee ti Baa Uwonbɔr nin ti yudaau Yisa Masiya ye-n; Uwonbɔr a kaar nin nposɔɔn li be nin ni.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 1:4

Ti nabum, ti nyi ke ni ye ban wee Uwonbɔr ban le, ki gann ni ki ta ni ŋa U ninfob,

1 Tesalonika 4:7

Uwonbɔr kaa yin ti ke ti li jɔɔ tijaginn ni, amaa ke ti li jɔɔ kasi a binbem.

1 Tesalonika 5:28

Ti yudaau Yisa Masiya a nyunyunbasanl li be ni bu.

2 Tesalonika 1:2

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be ni bu.

2 Tesalonika 3:16

Uyudaan wan ye nposɔɔndaan baan tɔɔl n sei ni nposɔɔn isaŋ biɛn nin niwann biɛn nin. Uyudaan li be nin ni biɛn.

2 Tesalonika 3:18

Ti Yudaau Yisa Masiya a nyunyunbasanl li be ni biɛn bu.

1 Timoti 1:2

N sɔb tenn Timoti wan ye n big bamɔŋ yada bu nle: Ti Baa Uwonbɔr nin ti Yudaau Masiya a linyunyunbasanl nin nposɔɔn li be a bu.

1 Timoti 6:2

Biyom ban a yudam ye biwonjiɛmin n laa ziɛn bi, nan bu-n bi ye nnabum le nin tab. Amaa ni ye bin mann ter bi le nbamɔm, nan bu-n ban ji bi toon nmɔn a nyɔɔr ye biwonjiɛm le, ban wee biyudamin jiɛ. Ni niɛ le ye nan wee ni li jɔɔ wɔɔn ki pɔɔgir bi gbanann.

2 Timoti 1:2

le n sɔb ki tenn Timoti wan ye n bibankaagin: Ti Baa Uwonbɔr nin ti Yudaau Masiya a nyunyunbasanl nin nposɔɔn li be a bu.

2 Timoti 4:22

Uyudaan li be nin a naaŋ. Linyunyunbasanl li be a bu.

Taitus 1:4

N sɔb kugbɔŋ nan ki tenn fin Tatusi wan ye n big bamɔŋin, nin taah lagin ki jɔɔ yada kiba kan nin bu. Ti ba Uwonbɔr nin Masiya wan ye ti feeru win a nyunyunbasanl nin nposɔɔn li be niŋ.

Filemonn 1:25

Ti yudaau Yisa Masiya a nyunyunbasanl li be nin ni naam.

Filemonn 1:3

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be ni bu.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

1 Piita 1:15

Amaa Uwonbɔr wan yin ni kaah be kasi man nin, ni mu li be kasi nin ni toon biɛn nin na;

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

2 Jɔnn 1:3

Ti Baa Uwonbɔr nin Yisa Masiya wan ye Baa-n a Bija-n a nyunyunbasanl, nin nposɔɔn li be ti ban ibamɔn nin njiɛm.

Tibɔkpiirkaan 2:1

Le u beim ke, “Sɔb sei Efesusi a wonjiɛm a malaka ke: Wan ŋmag iŋmabil ilile u nɔɔjiimin wee ki choon salima a filaam a tɔɔnbol ilile-n a mɔleen sɔ:

Tibɔkpiirkaan 2:12

Ki ji ke “Sɔb ki sei Pagamum a wonjiɛm a malaka ke: Wan jɔɔ takoobi kaaŋ imɔɔŋ ilee-n a mɔleen sɔ.

Tibɔkpiirkaan 2:18

Ki ji ke “Sɔb sei Tayatira yaab a wonjiɛm a malaka ke: Uwonbɔr a bija wan a numbili nann nŋmipeen wee u taafar nyagin ke kukurug kan nyagin nin a mɔleen sɔ.

Tibɔkpiirkaan 2:29

Wan jɔɔ litul ke, ni che un gbir Kinaaŋ kaah bei biwonjiɛm a laginn man.”

Tibɔkpiirkaan 2:8

Le u ji ke “Sɔb sei Simarina a wonjiɛm a malaka ke: Wan ye Npiinim nin Njoorim, wan nan kpo wee ki ji fii nkumin nin a mɔleen sɔ.

Tibɔkpiirkaan 22:21

Uyudaan Yisa a nyunyunbasanl li be nin Uwonbɔr a ninfob. Ibamɔn.

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.

Tibɔkpiirkaan 3:22

Wan jɔɔ litul ke, ni che un gbir, Kinaaŋ kaah bei biwonjiɛm a laginn man.”

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.