Rom Yaab 1:30 - UWONBƆR A GBƆNPƆŊ LIKƆƆNL

³⁰ nin bitingbiib, ki nan Uwonbɔr, ki sugir tab, ki jɔɔ kalanbaani, ki far igbingban; ki tiɛr baah li ŋa man ki mann tun titoonbir; ki yiin bi baam nin bi nam a mɔɔŋi;

Uwumbɔr aagbaŋ

³⁰ ni mpaan pu. Bi nan Uwumbɔr, le ki seei tɔb, ki kpa kalmbaani, ki puk kipupuk. Bi po dak baah ga ŋa pu ki moo tun titunwanbir na la. Bi yii bite ni bina aamɔi.

Rom Yaab 1:30 ပူးပေါင်းရင်းမြစ်များ

Matiu 15:4

Nan bu-n, Uwonbɔr ke, ‘Sei a na nin a baa jilima’; ‘Wan sug u na bee u baa ke, bin ku wa.’

Matiu 16:21

Naah nan nyan iyaayoo ki jɔɔ chaa, le Yisa nan piin ki bei u bɔɔnɔɔb ke ni kpaa le ke un jo Jerusalam, amaa kitiŋ a ninkpeeb, nin biminmanib a yudam, nin ban wɔɔnn Uwonbɔr a siim nan, li mugir u takpem ki ku u; amaa iweehn itaa daal Uwonbɔr li fiin u nkumin.

Tibɔnyaan ti Luk ŋmee ti na 21:16

Hali ni baam nin ni nam, nin ni kpetiib, nin ni watiib, nin ni maali, nin ni jɔtiib na li kɔɔr ni ki ku ni biba.

Jɔnn 7:7

Dulinya nan a ninfob kaa li fir nan ni, amaa bi nan min le, nan bu-n n ji siɛra ke bi toon ye titoonbir le.

Lituln 5:36

Iyoo yan nan jon nin, Tiudiɛ nan wɔɔn u ba le ke u ye lininfo takpenl le, le bijab kobina nan nɔɔ u bɔɔn, amaa baah nan nan ku win, u bɔɔnɔɔbin biɛn nan worin na, le ni biɛn ŋa yɔli.

Rom Yaab 2:17

Daandaan nan fin, ni ye a ke a ye Juu a ninfou; wee ki nɔɔ nsiimin, ki far a gbingbanl ŋaah jɔɔ nɔɔ nin tab nin Uwonbɔr man;

Rom Yaab 2:23

Fin wan jɔɔ nsiimin ki far ligbingbanlin, ŋaa tenn Uwonbɔr le jilima le ki bii U siimin naa?

Rom Yaab 3:27

Ligbingbanfaal ye baa? Laa kpiɛ niin ni. Ba bu che naa kpiɛ niin naa? Taah ŋmag nsiimin buu? Aai, amaa taah ŋa yada-n bu.

2 Korenti 10:15

Taa far ligbingbanl ki lagir bininfob biba a toon bu. Ti jɔɔ tama ke, ni yada kaah yabirig chaa-n, ti toon kaah ye nan ni sisiigin li yabig takpem,

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

2 Tesalonika 2:4

Waa yin chee sei iween yan wee bi jiɛn nni, le ki sin yuur uba paab ki jo iween nmɔn, le ki ta uba ki siin Uwonbɔr a binbebol ki ke u ye Uwonbɔr le.

2 Timoti 3:2

Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Jemisi 3:5

Lilanbil mu ye kiwanbig man le tigbanann nin, amaa le ki far ligbingbanl takpem. Lig! Nŋmi wama kaah lu timɔɔrin ke min nyɔɔ kutingbɔŋ man.

Jemisi 4:16

Ke naah ye man nin, ni far igbingban le ki jɔɔ kalanbaani, ni gbingbanfaal nmɔn ye yɔli le.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

Juud 1:16

Bininfob nmɔn ŋulin le ki ban bitab a galin; bi nɔɔ bi baantɔɔl a gbanann a kɔlisa; ki far bi tɔɔl a gbingban ki jɔɔ nmɔmɔn nin bininfob bi tɔɔl a nyɔɔr bu.