Rom Yaab 1:3 - UWONBƆR A GBƆNPƆŊ LIKƆƆNL

³ tibɔŋann nmɔn wɔɔn U bija-n a bɔr le, ki ta jiin u ninforin paam, ke u nan ye ubɔr Defid a yaabil le,

Uwumbɔr aagbaŋ

³ Tibɔnyaan ngbaan le ye Ujapɔɔn aabɔr. Uma le ye Tidindaan Yesu Kristo. Waah nan kpaln unibɔn na, bi nan ma u Ubɔr David aamaal ponn ni.

Rom Yaab 1:3 ပူးပေါင်းရင်းမြစ်များ

Matiu 1:1

Yisa Masiya a baa nin u yaajam a piinim a gbɔŋ sɔ. U ye Defid a yaabil le, le Defid mu ye Abiraham a yaabil:

Matiu 1:16

Jekɔb le nan ma Josef, wan a poo nan ye Meri-n, le Meri ma Yisa wan wee bi yi u ke Masiya nan.

Matiu 1:6

Jesi le nan ma ubɔr Defid. Le Defid mu ma Solomɔnn, wan a na nan ye Yuriya a poo-n.

Matiu 12:23

Le ni nan ŋa bininfobin ligaril, le bi baan tab ke, “U ma ye Defid a yaabilin naa?”

Matiu 15:22

Ki miin Kenann a tiŋ a pii uba mu nan be liyagil nmɔn paam, ki dan Yisa ban ki nan kuun paab ke, “Uyudaan, Defid a yaabil, sam kunyunyunbaag ni. Kinaanbiig le be n bisa ni, ki mugir u takpem.”

Matiu 26:63

Amaa le Yisa kaa jiin tiba. Le kumanug a yudaau nmɔn mann baan u ke, “Poo Uwonbɔr wan fo nan bu, fin le sin ye Masiya Uwonbɔr a bija-n ke, a bei ti ni.”

Matiu 27:43

U gaa Uwonbɔr ki jin na Uwonbɔr li fee u ki jaa daandaan nan ni ye u ban u ke, nan bu-n u nan len ke, ‘N ye Uwonbɔr a bija le.’ ”

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Matiu 9:27

Yisa kaah nan nyan niin ki nan jo chaa nintogil nan, le bijajɔɔm bilee nan paa u bɔɔn, le ki yin u ki len ke, “Fin Defid a yaabil! San ti kunyunyunbaag ni.”

Tibɔnyaan ti Luk ŋmee ti na 1:35

Le malaka n bei u ke, “Kasi a Naaŋ li jiirin a bu, Uwonbɔr wan be paab nan a pɔɔm li biin a bu. Ni ma bu ŋaah li maa kibig kan nan yin ye kasi daan le, le bi li yin u Uwonbɔr a Bija.”

Tibɔnyaan ti Luk ŋmee ti na 1:69

ki nan pee feeja a naatuŋ u toontunn Defid a niin a loob

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:34

N nan kan na, le ki jin siɛra ke Uwonbɔr a Bija-n sɔ.”

Jɔnn 1:49

Le Nataniɛl nin len npaan ni ke, “Wan wɔɔn, a ye Uwonbɔr a bija-n le; a ye Iziral a bɔr takpenl le.”

Jɔnn 10:30

Min nin n Baa ye nba le.”

Jɔnn 10:36

ke wan wee Baa-n nan gann wee u ye u yaa win ki tunn u dulinya nan yaan nin? Ba ŋa wee ni galim ke n sugir Uwonbɔr maah ke ‘N ye Uwonbɔr a Bija-n’ buu?

Jɔnn 20:28

Le Tomasi bei u ke, “N yudaau nin n Wonbɔru!”

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 5:25

N bei ni ibamɔn le, n-yonn chaan le n-yonn nmɔn pii foon na le ban kpo li gbir Bija-n a kukɔl le ban gbir waah len man nin li kan limiɛfol.

Jɔnn 7:42

Uwonbɔr a mɔleen yin kaa ke Masiya-n na li nya ti baa Defid a niin yaabin nin Betiliham, kitiŋ kan wee Defid nan be-n naa?”

Lituln 2:30

Amaa waah nan ye ulinlenn nin u nyi Uwonbɔr kaah siin limɔsiinl ki sei u, ke u na li che u yaabil uba nji nnaam ki kal ubɔr gbann ni bu.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Lituln 9:20

Libol nmɔn le u piin ki mɔɔn Yisa a bɔr tiwonjiɛndirin, ke Yisa ye Uwonbɔr a Big le.

Rom Yaab 1:9

Uwonbɔr wan wee n jiɛn nin n sufu biɛn ki mɔɔn U bija-n a bɔŋann nin, U ma ye n siɛra daau ki jiin maah tiɛr ni bu man isaŋ biɛn,

Rom Yaab 4:1

Ti yin pag ke nii ki jiin ti yaaja Abiraham nin waah nan kan nan nin paam maa?

Rom Yaab 9:3

N bi ban ke Uwonbɔr a mɔpoolin bin jim wee min nin Masiya n yiɛr nin tab min tɔɔl a nabumin bu, ban wee min nin bi ma piɛ libolin,

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

1 Korenti 1:9

Uwonbɔr wan yin ni ke ni li jɔɔ nɔɔnintab nin U bija Yisa Masiya wan ye ti Yudaau win, U ye yada daan le.

1 Korenti 10:18

Lig Iziral yaab: Naa ye bi ma lagin ki ŋma kumanug a nann tan wee bi mann libinbinl bu nna?

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

1 Tesalonika 1:10

ki li guu U bija wan yin nyann papaab ki dan nin, wan wee U fiin nkumin nin, Uma ye Yisa wan nyan ti Uwonbɔr a ŋuufiiŋ kan chaan nin yaan.

1 Timoti 2:5

Nan bu-n, Uwonbɔr ye uba le, le usandanfaar mu ye uba ki be Uwonbɔr nin bininfob a sisiigin, uja nmɔn le ye Masiya,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

2 Timoti 2:8

Li tiɛr Yisa Masiya wan nan fii nkumin ki ye Defid a yaabilin bu. N bɔŋann nin sɔ,

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.

1 Jɔnn 3:8

Wan tun nan bir ke u ye ulinlaril a ninfou le, nan bu-n ulinlaril pii ye wan tun tibir le npiinimin na. Nan bu wee Uwonbɔr a Bija nan degirin ni, nan ye un bii ulinlaril a toon le.

1 Jɔnn 4:15

Uninfo wan chee ke Yisa ye Uwonbɔr a Bija ke, Uwonbɔr be udaan ban, le udaan mu be nin Uwonbɔr.

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

1 Jɔnn 5:5

Ŋma ye u ki nyaŋir dulinyaa? Wan le ŋa yada ke Yisa ye Uwonbɔr a bija-n.

2 Jɔnn 1:7

Bilinlarib takpem, ban kaa chee ke Yisa Masiya dan nin tigbanann le dulinya nan yaan nin, bi nyan le ki yal dulinya nan yaan. Bininfob nmɔn a bosu ye bilinlarib le nin Yisa a dataam.

Tibɔkpiirkaan 2:18

Ki ji ke “Sɔb sei Tayatira yaab a wonjiɛm a malaka ke: Uwonbɔr a bija wan a numbili nann nŋmipeen wee u taafar nyagin ke kukurug kan nyagin nin a mɔleen sɔ.