Rom Yaab 1:25 - UWONBƆR A GBƆNPƆŊ LIKƆƆNL

²⁵ Bi kpenn Uwonbɔr a bamɔn n le ki ŋa ti tibɔkar, le ki jiɛn tiwann naan kaar ki tun ki tenn ti, le ki yii kaa jiɛn Uninaan nin tɔɔl li, U ma kpaan npagim iyoo biɛn. Ibamɔn.

Uwumbɔr aagbaŋ

²⁵ Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.

Rom Yaab 1:25 ပူးပေါင်းရင်းမြစ်များ

Matiu 10:37

“Wan ban u baa bee u na ki jon min ke, waa kpaan nin un ŋa n bɔɔnɔɔru wi, wan mu ji ban u bija bee u bisa ki jon min ke, waa kpaan nin un ŋa n bɔɔnɔɔru wi;

Matiu 6:24

“Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

Jɔnn 2:8

Le u bei bi ke, “Tɔ ni gbil ki tan sei ban tol itolin a ninkpelu wa.” Le bi ŋa man,

Rom Yaab 1:18

Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

Rom Yaab 1:23

ni ma che bi kpenn Uwonbɔr wan kaa kpegin a jilima ki ta sei tiwann mann wan tan wee bi mann wee ti nann uninfo wan kpeg nin nnɔɔm nin tiwankor nin tiwann tan fuul.

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

2 Korenti 11:31

Ti Yudaau Yisa a Baa Uwonbɔr wan ŋan nin npagim iyoo biɛn ni, U ma nyi maah kaa por tibɔkari.

Efesusi 3:21

U ma Uwonbɔr ye kupag biwonjiɛm a laguŋ nin Masiya ni ki tan kpaa n-yonn man nan jon nin a ninfob biɛn, nin n-yonn man kaa jɔɔ diɛm nan! Ibamɔn.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

2 Timoti 3:4

bi na li nya tab a bɔɔn, ki ye ban kaa tiɛri, ki donn biba, bi na yin ban dulinya nan a wann ŋann le ki jon Uwonbɔr,

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.