Rom Yaab 1:21 - UWONBƆR A GBƆNPƆŊ LIKƆƆNL

²¹ Nin ni ma biɛn ni bi nyi Uwonbɔr, le kaa tenn U jilima kaa tenn u kunɔɔpoog mu, amaa le baa tiɛr nan ye nlam a wan ni, le bi sufu gbee nin ijɔrig nin libunbɔnl.

Uwumbɔr aagbaŋ

²¹ Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Rom Yaab 1:21 ပူးပေါင်းရင်းမြစ်များ

Jɔnn 3:19

Ni nan le ye Uwonbɔr kaah len man: Nwonween dan dulinya nan yaan na, amaa bininfob jiɛ libunbɔnl le ki jon nwonween, nan bu-n bi toon biɛn nan ye tibir le.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 1:19

bininfosaalib kaah bi ye bi li nyi Uwonbɔr man nin ni dɔ npaan ni le ki sei bi, nan bu-n Uwonbɔr le che ni dɔɔn npaan ni ki sei bi.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

Rom Yaab 11:10

Che bi num paam n bɔŋ wee bi laa ga, ki che bi fala n kpann litugil lan kpiɛg ki nyag bi bu iyoo biɛn.”

Rom Yaab 15:9

wee ban kaa ye Juu yaabin pag Uwonbɔr U nyunyunbasanl bu, ke naah sɔb Uwonbɔr a gbɔŋin ke: “Mambu n li pag fin Uwonbɔr a yinl ban kaa ye Juu yaabin a sisiigin; n li gaah liwonpagil a lai ki don a yinl.”

2 Timoti 3:2

Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

1 Piita 1:18

Nan bu-n ni nyi ke naa ye tiwann tan boon ke tikurninann bee salima le Uwonbɔr nan ta mann nkpenim a manug ki fee ni ki nyan nbinben man kaa jɔɔ bu wee ni yaajam nan ta sei ni-n ni,

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

Tibɔkpiirkaan 14:7

Le u pag nin nkukɔpɔɔn ke, “Ni li san Uwonbɔr wee ki li tenn U kupaga, nan bu-n U bɔjil a yoon foou. Ni li jiɛn wan nan naan paab, nin kutingbɔŋ, nin limɔgil nin nnyunbuma.”

Tibɔkpiirkaan 15:4

Ŋma kaa na li saŋa, Uyudaan aa, le ki ta kupag ki sei a yinlaa? Nan bu-n a binba le be kasi. Ibol biɛn na li dan ki nan jiɛniŋ a nintogil, nan bu-n a buchinn toon-yin kpiira.”