Rom Yaab 1:17 - UWONBƆR A GBƆNPƆŊ LIKƆƆNL

¹⁷ Tibɔŋann nin yaan le nbuchin binben man nyan Uwonbɔr ban nin kpiir npaan ni, nbuchin binben man nyan ti yada-n npiinimin nin ndiɛmin, ke naah sɔb man Uwonbɔr a gbɔŋin ke: “Ubuchin li kan limiɛfol yada bu.”

Uwumbɔr aagbaŋ

¹⁷ Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 1:17 ပူးပေါင်းရင်းမြစ်များ

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Rom Yaab 10:3

Baah kaa nyi nbuchin binben man nyan Uwonbɔr ban nin wee ki ban bi tɔɔl kaah li nɔɔ man ki li jɔɔ nbuchin binben nin, ni bu che baa chee sei Uwonbɔr a buchin binbemin ni.

Rom Yaab 3:21

Amaa daandaan nan nbuchin binben man nyan Uwonbɔr ban, wee U che ti biɛ mi-n, maa nyan nsiim a ŋmagimin ni, ni ma le nsiim a gbɔŋ nin bilinlem jin mi siɛra-n.

Rom Yaab 3:22

Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

Rom Yaab 3:3

Ni ye bi ni bibam kaa si bogiliba ke, bi kaa si bogiliba nmɔn li fir bii Uwonbɔr mu wee U laa si bogilibaa?

Rom Yaab 9:30

Ti yin len ke nii? Ti yin len le ke ban kaa ye Juu yaab, wee kaa nan nɔɔ nbuchin binben, bi nin kan nbuchin binben nin na, nbuchin binben man nyan yada kan wee bi jɔɔ-n.

2 Korenti 3:9

Ni ye itoon yan ku bininfobin che jilima foon ke, ibuchin toon yan che jilima chaan nin ma li jo man!

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Galantiya 3:11

Ibamɔn, nsiimin bu ke uba kaa be wee Uwonbɔr ke u bɔr ŋan ni, nan bu-n, “Ubuchin le be yada bu.”

Filipi 3:9

wee ki li be nin u, wee ki laa jɔɔ min tɔɔl a buchin binbem man nyan nsiimin yaan ni, amaa maah ŋa Masiya yada n bu le n jɔɔ nbuchin binben man nyan Uwonbɔr ban n yada n bu.

Hiibru Yaab 10:38

Amaa N yaa ninfo buchin win li be u yada ni. Ni ye u jir bɔɔn ke, N num kaa li gbee wi.”