Rom Yaab 1:16 - UWONBƆR A GBƆNPƆŊ LIKƆƆNL

¹⁶ Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Uwumbɔr aagbaŋ

¹⁶ Maa san inimɔɔn Yesu aabɔnyaan tee pu. Tibɔnyaan ngbaan kpa Uwumbɔr aapɔɔn. Binib bimɔk ŋun ti ki gaa Yesu Kristo ki kii na ga ŋmar; njan, bi ye Juu yaab na ga ŋmar, le bi kaa ye Juu yaab na mu ga ŋmar.

Rom Yaab 1:16 ပူးပေါင်းရင်းမြစ်များ

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Tibɔnyaan ti Luk ŋmee ti na 9:26

Wan sam ifa ki jiin n mɔboi nan paam ke, Uninfosaal a Big mu na li san u ifa lidaal lan wee u nan dan nin u pag nin u ba a pag nin kasi a malakamin.

Jɔnn 7:35

Le Juu yaabin nin baan tab ke, “Uja nan yin jo laa wee taa li fir ban kan waa? U li jo nan yaan wee ti yaa ninfob yaal ki be Girig yaabin ni, ki tan li wɔɔn Girig yaabaa?

Lituln 3:26

Uwonbɔr kaah nan gann U toon tun wi, u nan chinn tun u ni ban le, ke un kpenn ni pootom a binbem wee u kaar n nin fir pii ni.”

Rom Yaab 10:17

Ni ma bu yada a ŋaam nya baah gbir imɔleen nin yaan le, imɔleen nin mu a gbirim nya Masiya a bɔrin a mɔɔnimin le.

Rom Yaab 15:19

Le ni ma ye siɛra nin ligaril a toon a pɔɔm nin Kinaaŋin a pɔɔmin. Ni bu naah nyan Jerusalam ki tan kpaa Dalimasiya a yerin, n mɔɔn Masiya a bɔŋann nin ki diɛ niin na.

Rom Yaab 15:29

N nyi ke n nan dan ni ban ke, n na yin ŋmag Masiya a kaarin le takpem ki dan.

Rom Yaab 2:9

Tibɔmugkaar nin nton li dan bininfob ban biɛn tun titoonbir nan bu. Chinchinn ni yin foo Juu yaab ban le ki nin foo ban kaa ye Juu yaab n mu ban;

Rom Yaab 4:11

U punjiilin nan ye siɛra le ki wɔɔn ke u pii ŋa Uwonbɔr yadau, le Uwonbɔr ta U buchin binbem a daagim ki daag u, u yada bu, n-yonn man wee waah laa nan jii u punlin. Le ki ŋa u yadadam ban kaa jii bi pun biɛn a baa, na li ŋa man wee bin kanh bi kpiɛ ban jɔɔ nbuchin binben nin.

1 Korenti 15:2

Tibɔŋann nan bu ni ŋmara, ni ye ni ŋmag tibɔr tan wee n nan mɔɔn sei ni nbamɔm ke. Naa ye man ke ni yada li gab yɔli.

1 Korenti 2:2

Amaa maah nan be ni ban ni, maa nan ban n biɛ niba ki ji kpiɛ see Yisa Masiya nin u kum lidapunpunl nbu.

1 Korenti 2:4

Naa ye bininfosaalib a biɛm le n jɔɔ mɔɔn Uwonbɔr a bɔrin ki tenn ni, amaa ni nyan Kasi a Naaŋin le nin u pɔɔmin

1 Korenti 9:12

Ni ye biba jɔɔ nsan nin bin gaa literil ni ban ke, tim kaa jɔɔ nsan nmɔn ki jon baa? Amaa, taa ta nsan nmɔn tun mi toon yi. Amaa le ki ji fala a booli biɛn ta kaa ban niba nlegin Masiya-n a bɔŋann ni a mɔɔnimin bu.

1 Korenti 9:18

Ke n yɔr le ye ni laa? Ni ye nan le: Tibɔŋannin nmɔn a mɔɔnimin ni ye n mɔɔn ti le ki tenn bininfob le bin gbir ki laa yɔ niba, n jɔɔ nsan nin n gaa niba bi ban amaa n mu kaa gaan ni.

2 Korenti 2:12

Maah nan foo Tirosi a tiŋin ke n mɔɔn Masiya a bɔŋann ni, le n biɛ ke Uyudaan sin loor u toon a naanganl ki sei ma.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

2 Korenti 9:13

Naah ter bi nbu, ni ma wɔɔn naah ye ban, bininfob li pag Uwonbɔr nin limɔcheel lan wee ni jɔɔ ki kpenn ni binbem ki sei Masiya u bɔŋann nbu-n, nin naah por ipiin ni ki sei bi nin bininfob biɛn man.

Galantiya 1:7

taa le ye tibɔŋann ma kolibi. Ibamɔn buu bininfob biba li yin ta kuŋmaruŋ ki ŋa ni sufu ni ki degin ni Masiya a bɔŋann nmɔn.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

2 Timoti 1:16

N miɛ Uwonbɔr le ke un san Onesiforusi a niin yaab kunyunyunbaag, nan bu-n u ye wan nan pɔɔgir n sufu le, le ifa kaa nan jɔɔ wi nin tikulor tan nan lolim nbu.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

Hiibru Yaab 4:12

Uwonbɔr a mɔbonl fo le ki tun itoon. Ki ka ki jon ijumɔɔŋ ilee, ki fin jiil uninfosaal ki piir u naaŋ nin u miɛfol, ki kɔɔ for u tugiri nin u kpabi a nsugirim, tibɔr nmɔn le ji feen ki biɛr usaal a sufu a binbem, nin u potiɛl kaah be man.

1 Piita 4:16

Amaa uninfo jin fala waah ye uwonjiɛn nbu ke, u laa san ifa, amaa udaan npag Uwonbɔr nin waah jɔɔ uwonjiɛn a yinl nmɔn na.