Rom Yaab 1:13 - UWONBƆR A GBƆNPƆŊ LIKƆƆNL

¹³ N nabum, maa ban ni laa nyi ke iyoo takpem n lolig le ke n dan ni ban (amaa le tibɔr kɔɔ le maa li fir ŋa man ni ki nan kpaa daandaan nan) naah li ŋa man wee n fir ki kan bininfob takpem ni sisiigin, ke maah pii kan man ban kaa ye Juu yaabin a sisiigin biba-n.

Uwumbɔr aagbaŋ

¹³ Nnaabitiib, m ban ke ni bee ke n‑yoonn mɔmɔk m nan ban ke m dan ni chee, le kaa kee ŋmaa dan. M ban ke m cha binib gaa Yesu ki kii Rom aatiŋ ni, ke maah ŋa pu ntim muken ponn ni na.

Rom Yaab 1:13 ပူးပေါင်းရင်းမြစ်များ

Jɔnn 12:24

N bei ni ibamɔn le, ndibim kaa nan lu tum ki bur ke, mu lee la ye mu ba le. Amaa mu bur ke, mu li naan kidibin gbaluŋ.

Jɔnn 15:16

Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Jɔnn 4:36

Hali nin daandaan nan udichiɛrin gaan u yɔr le, hali daandaan nan u chiɛ idi-n nin limiɛfol lan kaa jɔɔ diɛm bu le, wee nin che wan bu tiburin nin wan chiɛ idi-n nlagin kan nmɔn.

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Lituln 14:27

Baah nan foo Antiɛg nan, le bi bei biwonjiɛm a laguŋin Uwonbɔr kaah ta bi tun man, nin waah loor nsan man ki sei ban kaa ye Juu yaab wee bi ŋa yada man.

Lituln 15:12

Le kulaguŋin nmɔn yaab jir ŋmin soon, ki nin pelig Banabasi nin Pɔɔl kaah pag Uwonbɔr kaah ta bi tun ligaril a siɛra nin lijinjeel a toonl man, ban kaa ye Juu yaabin a sisiigin.

Lituln 19:21

Ni niɛ nan biɛn kaah tun jon a bɔɔn, le Pɔɔl lol ke un nɔɔ Masedoniya nin Akaya ki jo Jerusalam. Waah nan be niin nmɔn a bɔɔn bu, le Pɔɔl bei u ba ke, “See ke n gɔnn Rom mu.”

Lituln 21:19

Le Pɔɔl poor bi, ki wɔɔn bi Uwonbɔr kaah tun nan ki sei ban kaa ye Juu yaabin u ma Pɔɔl a toon yin.

Lituln 28:14

Nin yaan le ti kan nnabum biba. Le bi bei ti ke, ti li be bi ban ki tan kpaa iweehn ilile. Le ti be bi ban ki nan nyan jon Rom.

Rom Yaab 1:12

ni ma ye, nan li pɔɔg tab a yada nim nin min a gbanann pɔɔmin.

Rom Yaab 11:25

N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

Rom Yaab 7:1

N nabum, n pag ki tenn bininfob ban nyi nsiimin le, naa nyi ke nsiimin jɔɔ tininkper a pɔɔm ki ŋmag uninfo n-yonn man wee u la fo be nlee?

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

1 Korenti 10:1

N nabum maa ban ni laa nyi ibamɔn nni, ke ti yaajam biɛn nan lagin be kitilangbɔŋ a lɔŋin le, ki lagin don limɔgil.

1 Korenti 12:1

Daandaan nan n nabum ki jiin kasi a Naaŋ a piini paam maa ban ni li be kaa nyi.

1 Korenti 14:20

N nabum, ni laa tiɛr ke nbuwaabi. Amaa tibir ma paam ke ni li be ke nbiliɛmin, amaa ni potiɛlin ni li be ke binunwondama.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 9:2

Ni ye maa ye Yisa a toom biba ban ke, amaa nim ban man nbiɛnim kaa be, n ye ntoon le ni ban, nim le ye ndaagim man wɔɔn ke n sin ye ntoon le Uyudaan ban.

2 Korenti 1:8

N nabum, maa ban ni laa nyi fala wan wee ti jin Asiya a yerin paamin ni. Ti nan kan limugil takpenl lan yab ki jon ti pɔɔm a tariga, ki che ti jaa tama ti tɔɔl a miɛfol bu.

2 Korenti 2:14

Amaa Uwonbɔr le ye kunɔɔpoog, nan bu-n iyoo biɛn U lii ti sam ki pee nnyaŋim a naatuŋ Masiya a pɔɔm bu. U bɔr mɔ le ke tulaali a baam kaah mɔ man ni, le u che ti mɔɔn ti ilog biɛn.

Galantiya 3:15

N nabum, n ban n ta idaa biɛn a binbem le ki mag wɔɔn ni tibɔr nan. Bininfob kaah lagin ki poo tipoor tan ke, uba kaa li fir bii ti bee ki ta niba kpiɛ ni bu man nin, man le ye ni niɛ mu.

Galantiya 6:18

N nabum, ti Yudaau Yisa a nyunyunbasanl li be nin ni naam. Ibamɔn.

Filipi 1:22

Ni ye n be ki fo nin n gbanann ke, n toon yin li lo iloon. Nin ni ma biɛn ni n yin gann ni labaa? Maa nyi!

Filipi 4:17

Naa ye n ban ipiin le, amaa n ban ni kan tinyɔɔr tan yin kpiɛ naah jɔɔ nan nin le.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

1 Tesalonika 2:18

Ti bi ban ti dan ni ban le, min Pɔɔl baan tɔɔl le gbaar le ki le gbaar, amaa le sintani kaa sei ti nsan ni.

1 Tesalonika 4:13

N nabum, taa ban ni li be ki laa nyi ban dɔɔn jiɛn nin bu, bee ki jɔɔ npoobiin ke bininfob ban gur kaa jɔɔ tama-n kaah be man nni.

2 Tesalonika 2:7

Npɔɔn man woo limɔyiildaan nmɔn a bɔɔn nin pii piin itoon na; amaa wan la ŋmag mi wee maa tun nin, le la ŋmag man le, hali nin Uwonbɔr kaah na li nyan nan ŋmag mi nmɔn.

2 Timoti 4:17

Amaa le Uyudaan sir n bɔɔn ki seim npɔɔn, wee min bu U bɔrin n fir mɔɔn nbamɔm wee ban kaa ye Juu yaabin ngbir ti. Le u nan nyam ugbegin a mɔn.