Rom Yaab 1:1 - UWONBƆR A GBƆNPƆŊ LIKƆƆNL

¹ Pɔɔl, wan ye Masiya a toontunnu, wee U yim ki gannim ki ŋaam ntoon ke n mɔɔn Uwonbɔr a bɔŋann nin,

Uwumbɔr aagbaŋ

¹ Min Pɔɔl le ŋmee kigbaŋ kee. M ye Yesu Kristo aatutunn la. Uwumbɔr nan yin mi ke m li ye Yesu aakpambal, ki nyan mi ke m moon waabɔnyaan tee.

Rom Yaab 1:1 ပူးပေါင်းရင်းမြစ်များ

Tibɔnyaan ti Mak ŋmee ti na 1:14

Le bi nan choo Jɔnn Wan nan Fu Bininfob Uwonbɔr a Nyunful nan, ki tan ŋa kuloondiigin; ni bɔɔn bu le Yisa nan jon Galilii a tingbɔŋin, ki tan mɔɔn Uwonbɔr a bɔŋann nin.

Jɔnn 12:26

Wan ban un tun terim ke ni ye u li nɔɔm le, le n be nan yaan ke, n toontunnu mu li be niin. N Baa li sei wan tun tenn min jilima.

Jɔnn 15:15

Maa ji yin yi ni bitoontumi, nan bu-n utoontunn kaa nyi u daau a toon yi. Amaa, n yi ni n jɔtiib le, nan bu-n maah biɛ nan n Baa ban nin n che ni mu biɛ na.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Lituln 13:9

Le Sɔɔl wan a yinl ji ye Pɔɔl nan gbee nin Kasi a Naaŋ, le ki lig unyɔgdaan nin chiim ki ke,

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 21:40

Le bitɔtogib a yudaan win sei npaan. Le Pɔɔl sir bitɔtogibin a diig a tisanmɔnn nan yaan wee bi tɔɔg ki kɔɔ-n, ki don u nɔɔ bininfobin bu ke bin ŋmin na. Baah ŋmin n-yonn man nin, le u pag sei bi Juu yaab a leen yin, ke:

Lituln 22:21

“Le Uyudaan beim ke, ‘Fin le li chaau; min le yin tuŋ nan fɔg bininfob ban kaa ye Juu yaabin ban.’ ”

Lituln 22:7

Le n lu tum, ki gbir likukɔl yin ke, ‘Sɔɔl, Sɔɔl, ba ŋa wee a mugirim man naa?’

Lituln 26:1

Iyaayoo le Ubɔr Agiripa nan bei Pɔɔl ke, “N jaa ŋa, a li fir pag a bɔr kaah ye man ki sei ti.” Le Pɔɔl yuur u nɔɔ ki poor u ki piin u bɔr:

Lituln 26:14

Le ti biɛn lu tum, le n gbir likukɔl pag ki beim tim Juu yaab a leen yin ke, ‘Sɔɔl, Sɔɔl, ba ŋa wee a mugirim maa? Ni pɔɔ nin a ta a taal liɛ ipiinh.’

Lituln 27:23

Kunyiɛg n-yaan le n yudaau Uwonbɔr wan yem wee n jiɛn u nan a malaka won jiirin ki nan sir n ban,

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 1:9

Uwonbɔr wan wee n jiɛn nin n sufu biɛn ki mɔɔn U bija-n a bɔŋann nin, U ma ye n siɛra daau ki jiin maah tiɛr ni bu man isaŋ biɛn,

Rom Yaab 11:13

N pag bei nim ban kaa ye Juu yaab nan le. Maah le ye ntoon ki sei ban kaa ye Juu yaab nan man, n jɔɔ linunmanl n toon nmɔn bu,

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 15:29

N nyi ke n nan dan ni ban ke, n na yin ŋmag Masiya a kaarin le takpem ki dan.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

1 Korenti 1:1

Pɔɔl wan wee Masiya nan yin u ki ta u ŋa u toom Uwonbɔr a bam bu-n, nin ti na a big Sositenesi,

1 Korenti 9:1

Maa ye n baa? Maa ye ntoon naa? Maa kan ti Yudaau Yisa nmɔn naa? Naa ye nim le ye n toon nmɔn a nyɔɔr ti Yudaau nnaa?

2 Korenti 1:1

Min Pɔɔl wan wee Uwonbɔr a bam bu wee n ŋa Masiya a toom nan, min nin ti na a big Timoti, le sɔb kugbɔŋ nan ki tenn Uwonbɔr a ninfob ban be Korenti, nin u ninfob gannkaab ban biɛn be Akaya a tingbɔŋin biɛn.

2 Korenti 11:5

Amaa maa tiɛr ke ban ke bi ye itoon ki ye bipɔɔndamin a ni uba jomi.

2 Korenti 11:7

Ni nan ye tibir lee nin maah nan jiin nba tum ke ni kan ndom ki mɔɔn Uwonbɔr a bɔŋann nin yɔli ki tenn ni nnaa?

2 Korenti 12:11

N ŋa nba le kujɔrug, amaa nim le che n ŋa man. Nim le bi li pagim, nan bu-n hali maa le ye niba ke, amaa ban lar ke bi ye “itoon pɔɔndamin,” kaa jomi.

2 Korenti 2:12

Maah nan foo Tirosi a tiŋin ke n mɔɔn Masiya a bɔŋann ni, le n biɛ ke Uyudaan sin loor u toon a naanganl ki sei ma.

2 Korenti 4:5

Naa ye ti mɔɔn ti baantɔɔl a bɔr le, amaa ti mɔɔn Yisa Masiya a bɔr le, ke u ma ye ti Yudaau, le tim ye ni toontum, Yisa bu.

Galantiya 1:1

Min Pɔɔl wan ye Masiya a toom nan, maa nyann bininfob ban ni bee naa ye uninfo le tunimi, amaa Yisa Masiya nin ti Baa Uwonbɔr, wan fiin u nkumin nin,

Efesusi 1:1

Min Pɔɔl wan ye Masiya a toom Uwonbɔr a bamin nin, N sɔb kugbɔŋ nan ki tenn Uwonbɔr a ninfogann kaab ban be Efesusi, ki si bi yada-n Masiya ban nin:

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

Filipi 2:11

le lilanbil biɛn na li pag npaan ni ke Yisa Masiya le ye Uyudaan, wee Uwonbɔr wan ye ti Baa n kan kupag.

Kolosiya 1:1

Pɔɔl wan ye Masiya a toom Uwonbɔr a bam bu-n, nin ti na a big Timoti,

Kolosiya 1:25

N nin kpann biwonjiɛm a laguŋin a toontunnu le, litoonl lan wee Uwonbɔr ta seimin, ke n ta U mɔleen yin biɛn ki sei ni,

1 Tesalonika 2:2

Ni nyi taah nan be Filipi a tiŋin wee bi sugir ti ki jin ti fala man, biba nan gbaar le ke bin gɔɔ ti wɔɔnimin, amaa Uwonbɔr a pɔɔmin le ti kan lipoobil ki mɔɔn U bɔŋann nan ki tenn ni.

1 Tesalonika 2:8

Taah jiɛ nim takpemin bu le che ti nan mɔɔn Uwonbɔr a bɔŋann nin ki sei ni, naa ye tibɔŋann nin a binba amaa ki ban ti junn ti miɛfol ni bu taah ban nim takpem n bu.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

1 Timoti 2:7

Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

2 Timoti 1:11

Tibɔŋann nan bu, le Uwonbɔr nan gannim ki ŋaam umɔleenmɔɔn, nin ntoon nin wan wɔɔnn.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Hiibru Yaab 5:4

Uba kaa li fir ta biminmanib a jilima nmɔn ki sei ubaantɔɔli; amaa see ke Uwonbɔr yin udaan, a li ke waah nan yin Arɔnn man nin.

Hiibru Yaab 7:26

Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Tibɔkpiirkaan 1:1

Tibɔkpiirikaar tan wee Uwonbɔr nan ta sei Yisa Masiya ke, un ta wɔɔn u toontum nan yin tun daandaan nan. U nan che U malaka le wɔɔn U toontunnu Jɔnn,

Tibɔkpiirkaan 22:6

Le malaka nan beim ke, “Imɔleen nan ye ibamɔn le ki ye gaa jin. Uyudaan wan ye bilinlem a naam a Wonbɔru tun U malakam bin tan wɔɔn U toontumin nan kpaa nin lin tun daandaan nan.”

Tibɔkpiirkaan 22:9

Amaa le u beim ke, “Laa ŋa ni! N ye fin nin a nabum ban ye bilinlemin a toontunn kpiɛg le, nin ban biɛn nɔɔ kugbɔŋ nan kaah len man nin. Li jiɛn Uwonbɔr a!”