Tibɔkpiirkaan 9:18 - UWONBƆR A GBƆNPƆŊ LIKƆƆNL

¹⁸ Le imag itaa yan ye nŋmi nin tikpinnyir nin lichibil yan nyan itaan a mɔɔŋi ni nan ku bininfob a bɔgirim nkerim mitaa a kerim nba.

Uwumbɔr aagbaŋ

¹⁸ Tiwan nitaa ngbaan, mmii, ni iŋmanyuu, ni chirbil ni nan nyan ni itaan ngbaan aamɔi ni na le ku linigetekr tatar;

Tibɔkpiirkaan 9:18 ပူးပေါင်းရင်းမြစ်များ

Tibɔkpiirkaan 8:10

Le malaka wan kpiɛ mitaa-n mu pee u naatuŋ, le liŋmabijal lan yab ki ween ke limumɔl a ŋmiimin nyan kitilangbɔŋ bu ki nan lu ikpen nin nnyunbum a bɔgirim mitaa-n a kerim nba ni,

Tibɔkpiirkaan 8:11

liŋmabil nmɔn a yinl le nan ye Kpajarig. Le nnyum nmɔn a bɔgirim mitaa-n a kerim nba kpann kunyuntuntoŋ, le kunyuntuntoŋ nmɔn nan ku bininfob takpem.

Tibɔkpiirkaan 8:12

Le malaka wan kpiɛ mina-n mu pee u naatuŋ, le bi faa nween nin uŋmal nin iŋmabil biɛn le bi wonweem a bɔgirim nkerim mitataa a kerim nbaba bɔŋ. Lidaal a bɔgirim a kerim mitaa, nkerim nba kaa nan jɔɔ nwonween ni, kunyiɛg mu a bɔgirim a kerim mitaa-n, nkerim nba mu nan ye man le.

Tibɔkpiirkaan 8:7

Le chinchinn a malaka pee u naatuŋ, le itanyunbɔl nin nŋmi ŋmarin nin ncham ki lunn kutingbɔŋ nan bu. Le kutingbɔŋ bɔgir nkerim mitaa le nkerim nba gaa nŋmi, le isiig bɔgir nkerim mitaa le nkerim nba gaa nŋmi, le timɔsɔɔn biɛn gaa nŋmi.

Tibɔkpiirkaan 8:8

Le malaka wan kpiɛ milee mu pee u naatuŋ, le niwann niba nann lijɔɔl takpenl le nŋmi gaan li bu, le bi ta li ki gab limɔgilin. Limɔgil nmɔn a bɔgirim mitaa le nkerim nba nan kpann ncham,

Tibɔkpiirkaan 8:9

le limɔgil nmɔn a wanfoli a bɔgirim mitaa, le nkerim nba kpo, le tiŋalin a bɔgirim mitaa, le nkerim nba bii.

Tibɔkpiirkaan 9:15

Le u nan lor malakam ban pii nan ŋa sili ki guu isaŋ, nin lidaal, nin li ŋmalu, nin libinl nmɔn ke bin ku bininfob a bɔgirim nkerim mitaa a kerim nba-n.

Tibɔkpiirkaan 9:17

Maah nan kan itaan nin bitanjigib nmɔn nin, n zii ni, ni nan nann nan le: Bitanjigibin nan jɔɔ bigbingban tegirim man man ke nŋmi-n, ki be ke buginu, ki ye nduuyom a li ke lichibilin. Le itaan nin a yuli nann igbegin a yuli, le nŋmi nin tikpinnyir nin lichibil nyan bi mɔɔŋin ni.

Tibɔkpiirkaan 9:19

Itaan nin a pɔɔm nan be bi mɔɔŋin nin bi joi ni le, nan bu-n bi joi nan nann iwaa le, ki jɔɔ iyul, le bi jɔɔ junn bininfob.